Мемарыяльная капліца (Цімкавічы)
.jpg)
Мемарыяльная капліца — капліца ў аграгарадку Цімкавічы Капыльскага раёна Мінскай вобласці.
Гісторыя
[правіць | правіць зыходнік]Знаходзіцца ў цэнтры аграгарадка. Пабудавана ў другой палавіне XIX ст. з цэглы ў памяць аб адмене прыгоннага права (над галоўным уваходам усталявана мемарыяльная дошка).
Архітэктура
[правіць | правіць зыходнік]Помнік архітэктуры неакласіцызму. Вырашана цэнтрычным кубападобным аб’ёмам пад шатровым гонтавым дахам. Галоўны фасад вылучаны ў цэнтры фланкіраваным пілястрамі прамавугольным уваходным праёмам. Атынкаваныя сцены прарэзаны арачнымі аконнымі праёмамі ў шырокіх ліштвах у выглядзе перакінутай паміж 2 пілястрамі архівольты, расчлянёны лапаткамі і апяразаны прафіляваным карнізам. Зала перакрыта цыліндрычным скляпеннем, у алтарнай сцяне зроблена ніша.
Брама-званіца
[правіць | правіць зыходнік]Побач з капліцай пастаўлена мураваная 2-ярусная прамавугольная ў плане брама-званіца пад двухсхільным дахам. Ярусы расчлянёны гонтавым адлівам на прафіляваным карнізе. Шырокі арачны праезд першага яруса замураваны. Верхні ярус-звон прарэзаны з усіх бакоў лучковымі праёмамі, фланкіраванымі лапаткамі і аб’яднанымі на франтальным фасадзе аркатурай.
Літаратура
[правіць | правіць зыходнік]- Праваслаўныя храмы Беларусі : энцыклапедычны даведнік / А. М. Кулагін; маст.: З. Э. Герасімовіч, У. П. Свентахоўскі. — Мінск: Беларуская Энцыклапедыя, 2007. — 653 с. — 2 000 экз. — ISBN 978-985-11-0389-4.
Спасылкі
[правіць | правіць зыходнік]- Мемарыяльная капліца ў Цімкавічах на сайце Праваслаўная архітэктура Беларусі (бел.)
- Брама-званіца ў Цімкавічах на сайце Праваслаўная архітэктура Беларусі (бел.)
- Мемарыяльная капліца ў Цімкавічах на сайце Глобус Беларусі (руск.)
- Брама-званіца ў Цімкавічах на сайце Глобус Беларусі (руск.)
- Мемарыяльная капліца ў Цімкавічах на сайце Radzima.org
- Брама-званіца ў Цімкавічах на сайце Radzima.org
- Свята-Мікалаеўская царква ў Цімкавічах на сайце Radzima.org