Места (Брэст)
![](http://upload.wikimedia.org/wikipedia/commons/thumb/0/03/%D0%90%D0%B3%D1%83%D0%BB%D1%8C%D0%BD%D1%8B_%D0%BF%D0%BB%D0%B0%D0%BD_%D0%B1%D0%B5%D1%80%D0%BD%D0%B0%D1%80%D0%B4%D0%B7%D1%96%D0%BD%D1%81%D0%BA%D1%96%D1%85_%D0%BA%D0%BB%D1%8F%D1%88%D1%82%D0%B0%D1%80%D0%BE%D1%9E_%D1%83_%D0%91%D1%80%D1%8D%D1%81%D1%86%D0%B5.jpg/220px-%D0%90%D0%B3%D1%83%D0%BB%D1%8C%D0%BD%D1%8B_%D0%BF%D0%BB%D0%B0%D0%BD_%D0%B1%D0%B5%D1%80%D0%BD%D0%B0%D1%80%D0%B4%D0%B7%D1%96%D0%BD%D1%81%D0%BA%D1%96%D1%85_%D0%BA%D0%BB%D1%8F%D1%88%D1%82%D0%B0%D1%80%D0%BE%D1%9E_%D1%83_%D0%91%D1%80%D1%8D%D1%81%D1%86%D0%B5.jpg)
![](http://upload.wikimedia.org/wikipedia/commons/thumb/9/9f/Biera%C5%9Bcie%2C_Unijacki%2C_Sabornaja._%D0%91%D0%B5%D1%80%D0%B0%D1%81%D1%8C%D1%86%D0%B5%2C_%D0%A3%D0%BD%D1%96%D1%8F%D1%86%D0%BA%D1%96%2C_%D0%A1%D0%B0%D0%B1%D0%BE%D1%80%D0%BD%D0%B0%D1%8F_%28M._Zaleski%2C_1840%29.jpg/220px-Biera%C5%9Bcie%2C_Unijacki%2C_Sabornaja._%D0%91%D0%B5%D1%80%D0%B0%D1%81%D1%8C%D1%86%D0%B5%2C_%D0%A3%D0%BD%D1%96%D1%8F%D1%86%D0%BA%D1%96%2C_%D0%A1%D0%B0%D0%B1%D0%BE%D1%80%D0%BD%D0%B0%D1%8F_%28M._Zaleski%2C_1840%29.jpg)
Места — цэнтральная частка, вакольны горад гістарычнага Берасця (цяпер Брэст). Мела авальную ў плане канфігурацыю і складалася з цэнтральнай часткі, умацаванай абарончай сцяной, і перыферыйнай, умацаванай валам. Асновай планіроўкі цэнтральнай часткі горада была паўавальная рынкавая плошча, якая злучалася мостам цераз Мухавец з замкам. На плошчы размяшчаліся ратуша з крамамі, друкарня, саляны склад, васкабойня, 23 двары гараджан. Планіровачны каркас горада стварала сістэма радыяльных вуліц, якія пачыналіся ад плошчы і перасякаліся паўкальцовымі вуліцамі[1]
Ва ўмацаванай частцы Места праходзілі 3 вуліцы, з якіх дзве (Кавальская і Пескаўская, злучаліся з Віленскім і Кракаўскім трактамі) з’яўляліся магістральнымі. На вуліцах месціліся 170 мяшчанскіх сядзіб, двор праваслаўнага епіскапа з мураванай Мікалаеўскай царквой, фарны касцёл з плябаніяй, багадзельня (шпіталь), іншыя будынкі[1].
Перыферыйная частка Места мела 20 невялікіх вуліц, на якіх знаходзіліся 401 мяшчанская сядзіба, тры касцёлы (адзін з кляштарам, другі з багадзельняй, трэці — прыходскі варварынскі), Уваскрэсенская і Варварынская цэрквы[1].
У 1830-1840-я гады ўсё Места, фактычна ўвесь гістарычны цэнтр Берасця, знішчана ўладамі Расійскай Імперыяй для будаўніцтва Брэсцкай крэпасці, горад з жыхарамі быў перанесены на дзве з паловай вярсты на ўсход, дзе размешчаны цэнтр цяперашняга Брэст[2].
Зноскі
- ↑ а б в Брэст // Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.
- ↑ Гісторыя Брэста
Літаратура[правіць | правіць зыходнік]
- Брэст // Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.