Мухамад Ікбал

Мухамад Ікбал
Асабістыя звесткі
Дата нараджэння:	9 лістапада 1877(1877-11-09)
Месца нараджэння:	Горад Сіялкот, Пенджаб, Брытанская Індыя, Злучанае каралеўства Вялікабрытаніі і Ірландыі
Дата смерці:	21 красавіка 1938(1938-04-21) (60 гадоў)
Месца смерці:	Лахор, Пенджаб, Брытанская Індыя, Вялікабрытанія
Бацька:	Sheikh Noor Muhammad[d]
Дзеці:	Javid Iqbal[d]
Альма-матар:	Юрыдычны факультэт Лонданскага гарадскога ўніверсітэта[d] Murray College[d] Murray College[d] Кембрыджскі ўніверсітэт Мюнхенскі ўніверсітэт Людвіга-Максіміліяна Murray College[d] Трыніці-каледж[d] Мюнхенскі ўніверсітэт Людвіга-Максіміліяна Урадавы Каледж[d] Урадавы Каледж[d] Гейдэльбергскі ўніверсітэт
Літаратурная дзейнасць
Род дзейнасці:	філосаф, пісьменнік, паэт, дзіцячы пісьменнік, палітык, адвакат
Мова твораў:	урду
allamaiqbal.com
Выявы на Вікісховішчы

Аляма Мухамад Ікбал (урду: علامه محمد اقبال, англ.: Allama Muhammad Iqbal; 9 лістапада 1877-21 красавіка 1938) — паэт, філосаф і грамадскі дзеяч Брытанскай Індыі, ключавая фігура ў літаратуры урду і мысліцель, які лічыцца духоўным бацькам Пакістана, прадвеснікам стварэння гэтай краіны. Яго працы напісаны на урду, персідскай і англійскай мовах.

Біяграфія

Ікбал нарадзіўся 9 лістапада 1877 года ў Сіялкоце, у сям'і краўца, вядомага сваёй набожнасцю. Пачатковую адукацыю атрымаў у родным горадзе. У 1892 годзе ажаніўся з Карым-Бібі, дачкой гуджарацкага доктара.

У 1895 годзе Ікбал паступіў ва ўрадавы каледж у Лахоры, дзе пачаў вывучаць філасофію, арабскую і англійскую літаратуру; сярод яго настаўнікаў быў арыенталіст Томас Уокер Арнальд, параіў яму наведаць Еўропу для пашырэння светагляду. У 1899 годзе атрымаў магістарскую ступень. Затым працягнуў адукацыю ў Англіі і Германіі. Вывучаў філасофію, а таксама юрыспрудэнцыю, літаратуру і арабскую мову. З 1908 года — прафесар філасофіі.

Выступаў у друку з канца 1890-х гг. Пісаў вершы на урду, пенджабі і персідскай мове. З асобнай кнігай паэзіі дэбютаваў ў 1915 годзе («Сакрэты свайго Я»).

У 1922 годзе пасвечаны каралём Георгам V у рыцары. У 1930 годзе Ікбал ў якасці ганаровага старшыні сесіі Мусульманскай лігі выступіў за стварэнне мусульманскай дзяржавы ў складзе незалежнай індыйскай федэрацыі.

Ікбал памёр 21 красавіка 1938 гады ў Лахоры. У 1953 годзе было заснавана «Таварыства Ікбала» («Базм-е-Ікбал»).