Міхаіл Аляксандравіч Чалісаў

Міхаіл Аляксандравіч Чалісаў
Міхаіл Аляксандравіч Чалісаў
	руск.: Михаил Александрович Чалисов
Дата нараджэння	14 сакавіка 1898
Месца нараджэння	Таганрог, Расійская імперыя;
Дата смерці	26 ліпеня 1973 (75 гадоў)
Месца смерці	Мінск, БССР, СССР
Месца пахавання	Паўночныя могілкі
Грамадзянства	Расійская імперыя, СССР
Род дзейнасці	вучоны
Навуковая сфера	псіхіятрыя
Месца працы	Данецкі нацыянальны медыцынскі ўніверсітэт,Расійскі нацыянальны даследчы медыцынскі ўніверсітэт імя М. І. Пірагова, Беларускі дзяржаўны медыцынскі ўніверсітэт
Навуковая ступень	доктар медыцынскіх навук (1941)
Навуковае званне	прафесар
Альма-матар	Санкт-Пецярбургскі навукова-даследчы псіханеўралагічны інстытут[d] (1917); Растоўскі дзяржаўны ўніверсітэт (1919);
Навуковы кіраўнік	Аляксандр Іванавіч Юшчанка[d]

Міхаіл Аляксандравіч Ча́лісаў^[2] (руск.: Михаил Александрович Чалисов; 2 (14) сакавіка 1898, Таганрог — 26 ліпеня 1973, Мінск) — урач, вучоны ў галіне псіхіятрыі, доктар медыцынскіх навук (1941), прафесар (1945).

Біяграфія[правіць | правіць зыходнік]

Нарадзіўся ў Таганрогу. У 1916—1917 гг. вучыўся ў Петраградскім псіханеўралагічным інстытуце, у 1917—1919 гг. у Данецкім універсітэце^[1]. У 1919 годзе быў мабілізаваны і да 1920 года служыў радавым у белай арміі ў Новачаркаску, у 1920 годзе — лекарскі памочнік у Чырвонай Арміі^[1]. У 1920—1921 гг. вучыўся на медыцынскім факультэце Данецкага ўніверсітэта, 1921—1922 гг. працаваў урачом у амбулаторыі, загадчыкам халернага барака ў Цюмені, памочнікам галоўнага ўрача павятовай бальніцы ў горадзе Ішым^[1]. У 1923 годзе скончыў медыцынскі факультэт Данецкага ўніверсітэта, працаваў ардынатарам клінікі нервовых і душэўных хвароб (у 1926—1930 гг. асістэнтам) і адначасова асістэнтам кабінета па вывучэнню злачынца і злачыннасці. У 1930—1932 гг. займаў пасаду загадчыка эксперыментальна-лабараторным аддзяленнем Інстытута псіхіятрыі ў Харкаве, у 1932—1933 гг. старэйшага асістэнта клінікі неўрозаў, загадчыка біяхімічным аддзелам Усеўкраінскай псіханеўралагічнай лабараторыі. У 1933—1941 гг. на пасадзе загадчыка кафедрай Сталінскага медыцынскага інстытута. Абараніў доктарскую дысертацыю ў 1941 годзе. У 1941—1944 гг. у Свярдлоўскай вобласці — загадчык фізіятэрапеўтычным кабінетам, начальнік медыцынскай часткі, начальнік эвакашпіталя. У 1944—1946 гг. на пасадзе загадчыка кафедрай у Сталінскім медыцынскім інстытуце, у 1946—1949 гг. — прафесар кафедры псіхіятрыі ў 2-м Маскоўскім медыцынскім інстытуце, у 1949—1951 гг. — кансультант санаторыя УЦСПС.

У 1951—1973 гг. М. А. Чалісаў на пасадзе загадчыка кафедрай псіхіятрыі Мінскага медыцынскага інстытута і адначасова ў 1952—1968 гг. — галоўны псіхіятр Міністэрства аховы здароўя БССР.

Памёр 26 ліпеня 1973 года, пахаваны на Паўночных могілках у Мінску^[1].

Навуковая і грамадская дзейнасць[правіць | правіць зыходнік]

М. А. Чалісаву належаць навуковыя працы па клінічнай псіхіятрыі. Таксама займаўся пытаннямі біяхіміі чалавека, лячэння шызафрэніі (прапанаваў метад яе інсулінавай тэрапіі), праблемы алкагалізму^[1]. Правёў першыя ў СССР вопыты па стварэнню эксперыментальных мадэляў кататанічнага сіндрому^[1].

Займаў пасаду старшыні Беларускага навуковага таварыства неўрапатолагаў і псіхіятраў. Уваходзіў у склад Вучонага савета Міністэрства аховы здароўя БССР, рэдакцыйнай калегіі часопіса «Невропатология и психиатрия» і быў сарэдактарам раздзела «Псіхіятрыя» Вялікай медыцынскай энцыклапедыі^[1].

Аўтар больш за 80 навуковых прац, у тым ліку 2 манаграфій^[1]. Пад яго кіраўніцтвам абаронены 2 доктарскія і 8 кандыдацкіх дысертацый. Удзельнічаў у падрыхтоўцы і правядзенні рэспубліканскіх з’ездаў і канферэнцый псіхіятраў, удзельнічаў у міжнародных з’ездах і канферэнцыях.

Узнагароды[правіць | правіць зыходнік]

Узнагароджаны медалямі, Ганаровай граматай Вярхоўнага Савета БССР^[1].

Зноскі

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 ^1,9 Чалисов Михаил Александрович (02(14).03.1898-26.07.1973)(руск.) // Сайт БДМУ
↑ Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні.

Літаратура[правіць | правіць зыходнік]

Чалісаў Міхаіл Аляксандравіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — ISBN 985-11-0279-2 (т. 17), ISBN 985-11-0035-8. — С. 212.

Спасылкі[правіць | правіць зыходнік]

[БДМУ-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 ^1,9 Чалисов Михаил Александрович (02(14).03.1898-26.07.1973)(руск.) // Сайт БДМУ

[БЭ17-2] Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні.

[1]

[2]