Міхаіл Данілавіч
| Міхаіл Данілавіч | |
|---|---|
| Род | Друцкія |
| Бацька | Даніла[1] |
| Дзеці | Міхаіл Міхайлавіч[1] |
Міхаіл Данілавіч, свецкае імя не вядома (2-я палова XIII — да 1330) — князь друцкі.
Сын друцкага князя Данілы. Вядомы толькі з запісу ў памянніку Кіева-Пячэрскай лаўры. Жыў на мяжы XIII—XIV ст. Паводле таго ж памянніка, меў прынамсі аднаго сына — таксама Міхаіла.[2]
Паводле назіранняў Фёдара Успенскага, у старой анамастычнай традыцыі роду Рурыкавічаў, сын мог атрымаць бацькава імя ў адным выпадку — калі нарадзіўся пасля смерці бацькі[3]. Аднак да сярэдзіны XIII ст. адбылася трансфармацыя традыцыі — бацька і сын маглі мець аднолькавыя хросныя імёны, але па розных святых-цёзках і пры розных свецкіх імёнах[4]. Такім чынам, напэўна, друцкі князь Міхал Данілавіч і яго сын Міхаіл Міхайлавіч мелі розныя свецкія імёны, невядомыя цяпер.
Крыніцы
[правіць | правіць зыходнік]- 1 2 Кузьмин А. В. Опыт комментария к актам Полоцкой земли второй половины XIII — начала XV в. (окончание) // Древняя Русь. Вопросы медиевистики — ИСл РАН, 2007. — Т. 30, вып. 4. — С. 54. — ISSN 2071-9574; 2071-9590
- ↑ Кузьмин 2007, с. 54.
- ↑ Литвина, Успенский 2006, с. 12, 267-322.
- ↑ Литвина, Успенский 2006, с. 215-217.
Літаратура
[правіць | правіць зыходнік]- Кузьмин А. В. Опыт комментария к актам Полоцкой земли второй половины XIII-начала XV в. (окончание) // Древняя Русь. Вопросы медиевистики. — 2007. — № 4 (40). — С. 50-68.
- Литвина А. Ф., Успенский Ф. Б. Выбор имени у русских князей в X—XVI вв.: Династическая история сквозь призму антропонимики.. — М.: Индрик, 2006. — 904 с. — 1 000 экз. — ISBN 5-85759-339-5.
