Іван Сямёнавіч Баба

Іван Сямёнавіч Баба
Нараджэнне	не пазней за 1423
Смерць	не раней за 1436
Род	Друцкія
Бацька	Сямён Дзмітрыевіч
Жонка	Аўдоцця Андрэеўна[d]
Дзеці	Васіль Іванавіч Бабіч[d], Фёдар Іванавіч Бабіч, Канстанцін Іванавіч Бабіч[d], Сямён Іванавіч Бабіч[d] і Іван Іванавіч Бабіч[d]
Грамадзянства	Вялікае Княства Літоўскае

Іван Сямёнавіч Баба, князь Друцкі (не пазней за 1423 — не раней за 1436) — вялікалітоўскі арыстакрат.

Біяграфія

З роду князёў Друцкіх, сын князя друцкага Сямёна Дзмітрыевіча.

Магчыма, быў полацкім намеснікам (1409). Актыўны прыхільнік вялікага князя Свідрыгайлы ў час барацьбы з вялікім князем Жыгімонтам Кейстутавічам. У 1431 годзе ўваходзіў у раду Свідрыгайлы, пад адным з дзяржаўных актаў захавалася яго пячатка з прататыпам пазнейшага герба «Друцк».

Пасля перамогі Жыгімонта Кейстутавіча, у 1436 годзе выехаў у Пскоў, потым у Маскву разам з малодшымі сынамі Іванам, Васілём і Сямёнам Бабічамі, якія засталіся на маскоўскай службе. Старэйшыя сыны Канстанцін (каля 1410 — каля 1442) і Фёдар (каля 1410 — пасля 1446) засталіся ў Вялікім Княстве Літоўскім.

Літаратура

• Вячаслаў Насевіч. Друцкія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 600. — 688 с. — ISBN 985-11-0314-4 (т. 1), ISBN 985-11-0315-2.