Міхаіл Уладзіміравіч Агейка

З пляцоўкі Вікіпедыя
Перайсці да: рух, знайсці

Міхаіл Уладзіміравіч Агейка (1928, Навагрудчына) — удзельнік беларускага патрыятычнага падполля ў 1946—1947 у Баранавіцкай вобласці.

Біяграфія[правіць | правіць зыходнік]

Вучыўся ў Навагрудскай настаўніцкай семінарыі. У 1945 скончыў Навагрудскую педнавучальню, а ў 1947 — Баранавіцкі настаўніцкі інстытут. З 1946 — удзельнік беларускага патрыятычнага падполля пры Баранавіцкім настаўніцкім інстытуце, што ўваходзіла ў склад канспірацыйнай арганізацыі «Чайка», быў дарадцам Цэнтру Беларускага Вызваленчага Руху.

Арыштаваны органамі МГБ у пачатку чэрвеня 1947 і 16-18 кастрычніка 1947 засуджаны ў Баранавічах ваенным трыбуналам паводле артыкулаў 63-I і 76 КК БССР (цывільная здрада СССР і антысавецкая агітацыя) да 10 гадоў зняволення і 5 гадоў пазбаўленьня правоў. Пакараньне адбываў у баранавіцкай турме і канцлагерах Комі АССР, працуючы ў вугальных шахтах Інты. Вызвалены па заліках умоўна-датэрмінова 18 лістапада 1954, але бяз права выезду. Толькі 20 красавіка 1956 г. высылка была адмененая. Пасля вызвалення працягваў працаваць на шахтах Інты. У 1963 г. завочна закончыў Варкуцінскі горны тэхнікум. Рэабілітаваны ў снежні 1975 г. З 1978 на пенсіі і ў тым жа годзе вярнуўся ў Беларусь. Жыве ў Салігорску.

Зноскі

Літаратура[правіць | правіць зыходнік]

  • Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, 1794—1991: Энцыклапедычны даведнік. Кн. 1 — Абакановіч, Кучынская. — Мінск, 2004. — 534 стр.