Міхаіл Уладзіміравіч Агейка

Міхаіл Уладзіміравіч Агейка
Дата нараджэння	1928
Месца нараджэння	Весялова, гміна Нягневічы, Навагрудскі павет, Навагрудскае ваяводства, Польская Рэспубліка
Альма-матар	Баранавіцкі дзяржаўны настаўніцкі інстытут (1947) Навагрудская настаўніцкая семінарыя[d] Навагрудскае педагагічнае вучылішча[d] (1945) Варкуцінскі горны тэхнікум[d] (1963)
Член у	Чайка

Міхаіл Уладзіміравіч Агейка (1928) — удзельнік беларускага патрыятычнага падполля ў 1946—1947 гг. у Баранавіцкай вобласці, сябра арганізацыі «Чайка».

Біяграфія

Нарадзіўся ў 1928 г. в. Весялова (Навагрудскае ваяводства, Польская Рэспубліка, цяпер Навагрудскі раён Гродзенскай вобласці). Вучыўся ў Навагрудскай настаўніцкай семінарыі. У 1945 г. скончыў Навагрудскае педвучылішча, а ў 1947 г. — Баранавіцкі настаўніцкі інстытут. З 1946 г. — удзельнік беларускага патрыятычнага падполля пры Баранавіцкім настаўніцкім інстытуце, што ўваходзіла ў склад канспірацыйнай арганізацыі «Чайка», быў дарадцам Центру Беларускага Вызваленчага Руху. Арганізацыя планавала змаганне за нацыянальныя правы і годнасць беларусаў, культуру, мову, гісторыю, свабоду і незалежнасць Беларусі. У 1947 г. арганізацыя была выкрытая ў выніку арыштаў сябраў іншай арганізацыі — Саюза вызвалення Беларусі, з якім памылкова ўтрымлівалася сувязь некаторымі ўдзельнікамі «Чайкі» і які быў выдадзены правакатарам Алесем Бажко.

Міхаіл Агейка быў арыштаваны органамі МДБ БССР у пачатку чэрвеня 1947 г. і 16-18 кастрычніка 1947 г. засуджаны ў Баранавічах ваенным трыбуналам паводле артыкулаў 63-I і 76 КК БССР (цывільная здрада СССР і антысавецкая агітацыя) да 10 гадоў зняволення і 5 гадоў пазбаўлення правоў. Пакаранне адбываў у баранавіцкай турме і канцлагерах Комі АССР, працуючы ў вугальных шахтах Інты. Вызвалены па заліках умоўна-датэрмінова 18 лістапада 1954 г., але без права выезду. Толькі 20 красавіка 1956 г. высылка была адмененая. Пасля вызвалення працягваў працаваць на шахтах Інты. У 1963 г. завочна закончыў Варкуцінскі горны тэхнікум. Рэабілітаваны ў снежні 1975 г. Асабовая справа А. № 6816-с з фотаздымкам захоўваецца ў архіве УКДБ Брэсцкай вобласці.

З 1978 г. на пенсіі і ў тым жа годзе вярнуўся ў Беларусь. Жыве ў Салігорску.

Літаратура

• Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). / Укладальнік Л. У. Маракоў.