Мішэль Рэнеры
Мішэль Рэнеры | |
---|---|
фр.: Michel Raineri | |
Род дзейнасці | Надзвычайны і Паўнамоцны Пасол Францыі ў Эстоніі |
Дата нараджэння | 15 ліпеня 1959 |
Месца нараджэння | |
Дата смерці | 17 ліпеня 2017[1] (58 гадоў) |
Месца смерці | |
Грамадзянства | Францыя |
Бацька | Леон Рэнеры |
Маці | Жанін Меню |
Дзеці | Гіём, Палін |
Альма-матар | |
Узнагароды і прэміі | |
Медыяфайлы на Вікісховішчы |
Мішэль Рэнеры (фр.: Michel Raineri; 15 ліпеня 1959, Тулон, Францыя — 17 ліпеня 2017, Парыж) — французскі дыпламат, Надзвычайны і Паўнамоцны Пасол Францыі ў Рэспубліцы Беларусь (2009—2013)[3], Надзвычайны і Паўнамоцны Пасол Францыі ў Эстоніі(2013—2016).
Біяграфія[правіць | правіць зыходнік]
Нарадзіўся 15 ліпеня 1959 года ў Тулоне ў сям’і Леона Рэнеры, спецыяліста па тэхнічнай эксплуатацыі верталётаў і Жанін Меню, сядзелкі. Быў двойчы жанаты. Двое дзяцей: Гіём — гукаінжынер, прадзюсар спектакляў. Палін — актрыса, рэжысёр.
Адукацыя: Ліцэй Франсуа Араго (Перпіньян), Школа па падрыхтоўцы настаўнікаў пачатковых класаў (Перпіньян), падрыхтоўчы курс Нацыянальнай школы адміністрацыі (Парыжскі Інстытут палітычных даследаванняў), Нацыянальная школа адміністрацыі (1987—1989, выпуск «Свабода, роўнасць, братэрства»)
Таварыства: камандор Бардо, кавалера Праванса, мушкецёр Арманьяк, член таварыства вінаў «Бардо» і «Бардо сюперыёр»
З 1979 па 1985 прадстаўляў 5 разоў Францыю на чэмпіянаце свету па гульні ў скрабл (французская мова). Чэмпіён свету ў парах (з Роландам Ніно) у 1981 годзе (Монтре), віцэ чэмпіён свету ў парах (з Роландам Ніно) у 1983 годзе (Грэнобль), у суаўтарстве з П’ерам Андрэ Сігалам напісаў кнігу «Ключы для Скрабл» (Выдавецтва «Du Rocher»).
Аўтар двух раманаў: «Лідзі згубілася 13 разоў», «Дэкарт і Босюэ катаюцца на веласіпедзе», дзвюх тэатральных п’ес: «За вішнёвым садам», «Далікатная мафія», артыкулаў для калектыўных выданняў: прадмова да зборніка вершаў Амаду Ламін Салі «Дзікія вены» (Кракаў, 2003), артыкул «Ірына Котава, мастак нечаканага» ў прадмове да альбома «Уяўны Парыж» (Мінск, 2010)[4].
У 2013 годзе выйшла кніга М. Рэнеры «Чудотворные иконы Беларуси», уступленні да якой склалі Мітрапаліт Мінскі і Слуцкі Філарэт, Патрыяршы Экзарх усяе Беларусі, а таксама Мітрапаліт Мінска-Магілёўскі архібіскуп Тадэвуш Кандрусевіч. Апошні таксама адзначыў, што аўтар правёў вялікую работу па зборы, вывучэнні і сістэматызацыі матэрыялу[5].
Перакладчык польскіх паэтаў Адамa Загаеўскага «Містыка для пачаткоўцаў» (Выдавецтва «Wydawnictwo literackie», 2005) і Малгажаты Хілары.
Будучы дырэктарам Французскага інстытута ў Кракаве, арганізаваў 2005 годзе ў Нацыянальным музеі Кракава рэтраспектыву, прысвечаную Ісааку Цэльнікеру, каардынаваў аднаўленне французскага павільёна ў Асвенцыме, на інаўгурацыі якога ў студзені 2005 года прысутнічаў Прэзідэнт Французскай Рэспублікі Жак Шырак.
Выкладчыцкая дзейнасць:
- Інстытут палітычных даследаванняў (Парыж): курс семінараў «Міжнародныя адносіны ў юрыдычнай інтэрпрэтацыі»
- Лектар у Нацыянальнай школе адміністрацыі (Парыж)
- Лектар у Ягелонскім універсітэце (Кракаў),
- Свабодны ўніверсітэт у Бжэска (Польшча): курс лекцый на польскай мове «Гісторыя палітычных ідэй з 18 стагоддзя да нашых дзён»
Памёр 17 ліпеня 2017 года ў Парыжы[6].
Пасады[правіць | правіць зыходнік]
- 1978—1985: Настаўнік у дэпартаменце Усходнія Пірэнеі і ў Парыжы
- 1 лютага 1989 года прызначаны Сакратаром замежных спраў
- 1989—1992: Першы сакратар у Пасольстве Францыі ў Варшаве
- 1992—1995: Цэнтральная адміністрацыя Міністэрства замежных спраў, супрацоўнік Юрыдычнага аддзела
- 1995—1997: Дарадца ў Кабінеце Дзяржаўнага сакратара па пытаннях франкафоніі
- 1997—1999: Памочнік пры Генеральным сакратары Міністэрства замежных спраў
- 1999—2002: Дарадца, намеснік Кіраўніка дыпламатычнай місіі ў Дакары
- 2002—2005: Генеральны консул, дырэктар Французскага інстытута ў Кракаве
- 2005—2006: Дарадца Міністра юстыцыі па дыпламатычных пытаннях
- 2006—2009: Цэнтральная адміністрацыя Міністэрства замежных спраў, намеснік дырэктара Упраўлення кадраў
- снежань 2009—2013: Надзвычайны і Паўнамоцны Пасол Францыі ў Рэспубліцы Беларусь
- 2013—2016: Надзвычайны і Паўнамоцны Пасол Францыі ў Эстоніі
Узнагароды[правіць | правіць зыходнік]
- Кавалер Нацыянальнага ордэна «За заслугі»
- Кавалер ордэна Ганаровага легіёна
Гл. таксама[правіць | правіць зыходнік]
Зноскі
- ↑ Michel Raineri // (unspecified title)
- ↑ http://www.lesbiographies.com/#/Biographie/raineri-michel,3497
- ↑ Новы пасол Францыі ў Беларусі прыедзе ў Мінск у кастрычніку
- ↑ Каталог ЦНБ НАН Беларуси Архівавана 27 сакавіка 2022.
- ↑ Посол Франции в Минске написал книгу «Чудотворные иконы Беларуси» (руск.)
- ↑ Пайшоў з жыцця Мішэль Рэнеры Архівавана 21 кастрычніка 2020. (руск.)