Нгуен Као Кі

Нгуен Као Кі
Nguyễn Cao Kỳ
8-ы Прэм’ер-міністр Рэспублікі В’етнам
Папярэднік	Фан Хуі Куат
Пераемнік	Нгуен Ван Лок
Камандуючы ВПС Рэспублікі В’етнам 1963 — 1965
Папярэднік	Ду Кхак Май
Пераемнік	Чан Ван Мінь
Нараджэнне	8 верасня 1930(1930-09-08) Sơn Tây[d], Ханой, В’етнам
Смерць	23 ліпеня 2011(2011-07-23) (80 гадоў) Куала-Лумпур, Малайзія
Месца пахавання	Роўз-Хілс[d]
Жонка	Đặng Tuyết Mai[d]
Дзеці	Nguyễn Cao Kỳ Duyên[d]
Веравызнанне	будызм
Партыя	беспартыйны
Прафесія	Ваенны
Дзейнасць	ваенная справа і палітыка
Аўтограф
Ваенная служба
Гады службы	1949—1971
Прыналежнасць	Паўднёвы В’етнам
Род войскаў	Ваенна-паветраныя сілы Рэспублікі В‚етнам
Званне	маршал авіяцыі
Бітвы	Вайна ў В’етнаме
Медыяфайлы на Вікісховішчы

Нгуен Као Кі (в’етн.: Nguyễn Cao Kỳ; 8 верасня 1930, Танкай, Французскі Індакітай — 23 ліпеня 2011, Куала-Лумпур, Малайзія) — ваенны і палітычны дзеяч Рэспублікі В’етнам (Паўднёвы В’етнам), маршал авіяцыі.

Біяграфія

Прайшоў лётную падрыхтоўку ў Францыі і вярнуўся ў В’етнам у 1954 годзе Займаў розныя пасады ў ВПС Рэспублікі В’етнам, прайшоўшы шлях ад радавога лётчыка да камандзіра і маршала авіяцыі. Асабіста здзяйсняў вылеты над Паўночным В’етнамам на закіды дыверсійных груп, таксама прыняў удзел у адным з першых паветраных налётаў на ДРВ у лютым 1965 года (падчас аперацыі «Палаючае дзіда»).

Кі пачаў сваю палітычную кар’еру ў 1965 годзе, калі яго прызначылі прэм’ер-міністрам Рэспублікі В’етнам пасля добраахвотнага сыходу ў адстаўку грамадзянскага ўрада. Прэзідэнтам стаў Нгуен Ван Цхіеу, з якім у Кі склаліся цяжкія адносіны. Падчас знаходжання на пасадзе запомніўся дэманстратыўнай барацьбой з карупцыяй (некалькі хабарнікаў былі пакараны), але так і не здолеў выкараніць яе. На прэзідэнцкіх выбарах 1967 года падтрымаў Цхіеу, і пасля яго абрання стаў віцэ-прэзідэнтам. Збіраўся балатавацца на наступных выбарах 1971 года, але ў выніку палітычных інтрыг адмовіўся ад свайго намеру і сышоў з палітыкі.

Пасля ваеннага паражэння Рэспублікі В’етнам у 1975 годзе Кі збег у ЗША, дзе пасяліўся ў Каліфорніі. У 2004 годзе стаў першым з паўднёвав’етнамскіх палітыкаў, якія наведалі з візітам Сацыялістычную Рэспубліку В’етнам, што выклікала асуджэнне многіх прадстаўнікоў паўднёвав’етнамскай эміграцыі.

Быў тройчы жанаты, бацька па меншай меры шасці дзяцей.

22 ліпеня 2011 года ён памёр у бальніцы Малайзіі пасля цяжкай хваробы ва ўзросце 80-ці гадоў. Яго цела было крэміравана. Крыху пазней яго дачка Нгуен Као Кі Зуен перавезла прах ў Амерыку.

Спасылкі

• BBC News: Vietnam welcomes former enemy (англ.)