Ніна Іванаўна Сарокіна

Ніна Іванаўна Сарокіна
Дата нараджэння	13 мая 1942(1942-05-13)
Месца нараджэння	Электрасталь, Маскоўская вобласць, РСФСР, СССР
Дата смерці	8 кастрычніка 2011(2011-10-08) (69 гадоў)
Месца смерці	Масква, Расія
Месца пахавання	Кунцаўскія могілкі[d]
Грамадзянства	СССР  Расія
Адукацыя	Маскоўская дзяржаўная акадэмія харэаграфіі[d] (1961)
Прафесія	балерына
Тэатр	Расійскі інстытут тэатральнага мастацтва[d] Вялікі тэатр
Прэміі
Узнагароды
IMDb	ID 2146658

Ніна Іванаўна Саро́кіна (руск.: Ни́на Ива́новна Соро́кина; 13 мая 1942, Электрасталь, Маскоўская вобласць — 8 кастрычніка 2011, Масква) — савецкая балерына, балетны педагог. Народная артыстка СССР (1987).

Біяграфія

Нарадзілася 13 мая 1942 года ў горадзе Электрасталь Маскоўскай вобласці.

У 1961 годзе скончыла Маскоўскае харэаграфічнае вучылішча (цяпер Маскоўская дзяржаўная акадэмія харэаграфіі) па класе С. М. Галоўкінай. Яе аднакласніцай была Н. І. Бяссмертнава.

Абедзвюх дзяўчынак прынялі ў балетную трупу Вялікага тэатра, дзе Ніна ўдасканальвала сваё майстэрства пад кіраўніцтвам М. Ц. Сямёнавай. Пастаянным сцэнічным партнёрам балерыны стаў яе муж Ю. К. Уладзіміраў.

Працавала рэпетытарам гастрольнага гурта «Зоркі Вялікага балета». З 1993 года стала педагогам Маскоўскай балетнай школы пад кіраўніцтвам М. Л. Лаўроўскага, пасля які атрымаў статус Маскоўскага дзяржаўнага харэаграфічнага вучылішча імя Л. М. Лаўроўскага. З 2000 года — педагог балетмайстарскага факультэта ГІТІСа.

Памерла на 70-м годзе жыцця 8 кастрычніка 2011 года ў Маскве пасля цяжкай хваробы.

Літаратура

• Гуткоўская С. В. Сарокіна Ніна Іванаўна // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 186. — 10 000 экз. — ISBN 985-11-0035-8. — ISBN 985-11-0238-5 (т. 14).