Ніна Абулен Каржынек

Ніна Абулен Каржынек
Ніна Абулен Каржынек
Minister of Culture[d]
	з 19 кастрычніка 2016
Папярэднік	Zlatko Hasanbegović[d]
Нараджэнне	27 мая 1970 (53 гады); Дуброўнік, Сацыялістычная Рэспубліка Харватыя, СФРЮ;
Партыя	беспартыйны;
Адукацыя	філалагічны факультэт Заграбскага ўніверсітэта[d];
Дзейнасць	палітык, скрыпачка, палітолаг
Узнагароды
	Медыяфайлы на Вікісховішчы

Ніна Абулен Коржынек (харв.: Nina Obuljen Koržinek; нар. 27 мая 1970, Дуброўнік, Югаславія) — харвацкая скрыпачка, палітолаг, чыноўнік, міністр культуры ў першым і міністр культуры і медыя ў другім урадзе Андрэя Пленкавіча.

Біяграфія[правіць | правіць зыходнік]

Нарадзіліся ў 1970 годзе Дуброўніку у сям’і Ніколы Чыча Абулена, які быў мэрам Дуброўніка з 1993 па 1997 год. Скончыўшы пачатковую і сярэднюю школу ў родным горадзе, Ніна паступіла ў Акадэмію музыкі Заграба пры Заграбскім ўніверсітэце, дзе вучылася па класе скрыпкі да выпуску ў 1992 годзе. Скончыла ў 1996 годзе факультэт гуманітарных і сацыяльных навук (філасофскі факультэт) Заграбскага універсітэта па кірунку «Французская філалогія і параўнальнае літаратуразнаўства». Праходзіла павышэнне кваліфікацыі на кафедры дактарантуры і бесперапыннай адукацыі Парыжскага універсітэта Дафін па кірунку «Эканоміка і фінансаванне культуры»^[1], у 2004 годзе на факультэце палітычных навук Заграбскага ўніверсітэта атрымала дыплом магістра па паліталогіі па спецыяльнасці «Параўнальная палітыка», а ў 2013 годзе на гэтым жа факультэце атрымала ступень доктара палітычных навук, абараніўшы дысертацыю на тэму «Уплыў міжнародных інтэграцыйных працэсаў на змяненне аб’ёму нацыянальнай культурнай палітыкі» (харв.: Promjene opsega nacionalnih kulturnih politika pod utjecajem međunarodnih integracijskih procesa). Выпускніца Дыпламатычнай акадэміі Міністэрства замежных спраў.^[2]

У 1992—1996 гадах працавала ў рэктараце Заграбскага ўніверсітэта. З 1997 па 1998 год была саветнікам Упраўлення ЮНЕСКА па пытаннях гендэрнай роўнасці ў Парыжы. У 1998—2000 гадах кіравала Кабінетам міністра культуры Харватыі. У 2000 годзе загадвала аддзелам па справах ЮНЕСКА Міністэрства замежных спраў Харватыі. У 2000—2006 і ў 2012—2016 гадах працавала навуковым супрацоўнікам заграбскага Інстытута міжнародных адносін. З 2006 па 2011 год — памочнік міністра і дзяржаўны сакратар Міністэрства культуры Харватыі, адказны за пытанні культуры і СМІ. Са снежня 2012 па студзень 2015 года займала пасаду старшыні савета па праграмах HRT.

Член групы экспертаў ЮНЕСКА па пытаннях выканання Канвенцыі аб ахове і заахвочванні разнастайнасці формаў культурнага самавыяўлення. Удзельнічала ў розных праектах, якія каардынуе ЮНЕСКА, ПРААН або Савет Еўропы. Публікавала артыкулы пераважна на тэмы культурнай палітыкі, еўрапейскай інтэграцыі ў сферы культуры і міжнароднага супрацоўніцтва.

Супрацоўнічае з рознымі культурнымі сеткамі, арганізацыямі і фондамі як Харватыі, так і замежжа па пытаннях, звязаных з культурнай палітыкай, а асабліва з культурнай разнастайнасцю. Індывідуальна або ў складзе каманды далучалася да розных праектаў ЮНЕСКА, ПРААН, Савета Еўропы, Еўрапейскага культурнага фонду, Еўразійскага фонду, Еўрапарламента і да таго падобнае. Удзельнічае ў працы сусветнай сеткі даследаванняў і супрацоўніцтва ў галіне культурнага развіцця «Culturelink».

Валодае англійскай, французскай і італьянскай мовамі.

Неадназначнасць кандыдатуры[правіць | правіць зыходнік]

Фігура Ніны Абулен Каржынек некалькі супярэчлівая. Як беспартыйны спецыяліст яна займала дзяржаўныя пасады ў органах, якія адказваюць за культуру, як за кіраванне ХДС, так і СДП, а яе праца ў харвацкім аўдыёвізуальным цэнтры^[3], між тым, выклікала спрэчкі, асабліва сярод правай часткі харвацкай грамадскасці, з-за меркаваных фінансавых і іншых парушэнняў, а таксама фінансавання некалькіх дакументальных фільмаў, якія сваім зместам, звязаным са злачынствамі Харвацкіх сіл у Айчыннай вайне 1991—1995 гадоў, нібыта «абражаюць годнасць пацярпелых у вайне»^[4]. Гэтыя абвінавачванні ўзмацніліся незадоўга да яе прызначэння^[5], калі Пленкавіч атрымаў мандат на фарміраванне ўрада і адчуваў магутны ціск з боку правага крыла сваёй партыі з мэтай пакінуць на той пасадзе неадназначнага, але надзвычай папулярнага сярод правых міністра Златка Гасанбегавіча.

Зноскі

↑ MINISTARSTVO KULTURE > Dužnosnici > mr. sc. Nina Obuljen(нявызн.). Мінкульт Хорватії (17 серпня 2011). Архівавана з першакрыніцы 17 жніўня 2011. Праверана 30 листопада 2016.
↑ Tko je Nina Obuljen Koržinek | N1 HR (нявызн.). hr.n1info.com. Архівавана з першакрыніцы 21 кастрычніка 2016. Праверана 20 кастрычніка 2016.
↑ Nina Obuljen Koržinek nova je članica Upravnog odbora HAVC-a (нявызн.). T-Portal (5 лютага 2015). Праверана 20. X 2016.
↑ Braniteljske udruge još žešće napale Ninu Obuljen Koržinek (нявызн.). N1. Архівавана з першакрыніцы 2 грудня 2016. Праверана 1 грудня 2016.
↑ Glasnović i Gregurić dijelili zastupnicima CD-e s filmom 'Masakr u Dvoru' (нявызн.). Večernji list (14 кастрычніка 2016).

Спасылкі[правіць | правіць зыходнік]

Біяграфія на сайце ўрада Харватыі (харв.)

[1] MINISTARSTVO KULTURE > Dužnosnici > mr. sc. Nina Obuljen(нявызн.). Мінкульт Хорватії (17 серпня 2011). Архівавана з першакрыніцы 17 жніўня 2011. Праверана 30 листопада 2016.

[n1info-2] Tko je Nina Obuljen Koržinek | N1 HR (нявызн.). hr.n1info.com. Архівавана з першакрыніцы 21 кастрычніка 2016. Праверана 20 кастрычніка 2016.

[3] Nina Obuljen Koržinek nova je članica Upravnog odbora HAVC-a (нявызн.). T-Portal (5 лютага 2015). Праверана 20. X 2016.

[4] Braniteljske udruge još žešće napale Ninu Obuljen Koržinek (нявызн.). N1. Архівавана з першакрыніцы 2 грудня 2016. Праверана 1 грудня 2016.

[5] Glasnović i Gregurić dijelili zastupnicima CD-e s filmom 'Masakr u Dvoru' (нявызн.). Večernji list (14 кастрычніка 2016).

[1]

[2]

[3]

[4]

[5]