Павел Валер’евіч Дураў

Павел Валер’евіч Дураў
руск.: Павел Валериевич Дуров
Род дзейнасці	спецыяліст у галіне інфарматыкі, прадпрымальнік
Дата нараджэння	10 кастрычніка 1984(1984-10-10) (37 гадоў)
Месца нараджэння	Leningrad[d], СССР
Грамадзянства	Расія  Сент-Кітс і Невіс  Аб’яднаныя Арабскія Эміраты  Францыя
Веравызнанне	Orthodox Christian[d]
Бацька	Valery Durov[d]
Месца працы	Telegram FZ-LLC[d]
Альма-матар	філалагічны факультэт СПбДУ[d]
Член у	Менса
Сайт	durov.com
Павел Валер’евіч Дураў на Вікісховішчы

Павел Валер'евіч Дураў (10 кастрычніка 1984, Ленінград) — расійскі прадпрымальнік, праграміст, рублёвы мільярдэр, адзін са стваральнікаў сацыяльнай сеткі Вконтакте і аднайменнай кампаніі. Былы генеральны дырэктар Вконтакте (2006—2014). У студэнцкія гады лаўрэат стыпендый Прэзідэнта РФ і Урада РФ, трохразовы лаўрэат Патанінскай стыпендыі. На дадзены момант знаходзіцца за мяжой і не збіраецца вяртацца ў Расію.

У 2001 годзе з адзнакай скончыў Акадэмічную гімназію. У 2006-м — Філалагічны факультэт Санкт-Пецярбургскага дзяржаўнага ўніверсітэта па спецыяльнасці «Англійская філалогія і пераклад» з чырвоным дыпломам. Годам раней скончыў прафесійную падрыхтоўку на Факультэце ваеннага навучання СПбДУ па спецыялізацыі «Прапаганда і псіхалагічная вайна», пасля заканчэння якой атрымаў званне лейтэнанту запасу. Адразу па заканчэнні ВНУ ён стварыў «УКантакце», найбуйнейшую на дадзены момант сацыяльную сетку ў Расіі. На 2011 год Дураў, які валодае маёмасцю ў 7,9 мільярда рублёў, займаў 350-е месца ў рэйтынгу расійскіх мільярдэраў.

Павел з'яўляецца вегетарыянцам і прытрымліваецца лібертарыянскіх палітычных поглядаў. Дурава называюць расійскім Маркам Цукербергам, а таксама часта крытыкуюць за яго эксцэнтрычныя выхадкі і выказванні. 19 лістапада 2012 выйшла кніга Мікалая Конанава «Код Дурава», якая апісвае станаўленне «УКантакце» і яе стваральніка; на яе экранізацыю ўжо набыла правы кампанія AR Films.