Плябанцы (Лідскі раён)

Вёска Плябанцы Краіна Беларусь Вобласць Гродзенская Раён Лідскі Сельсавет Дубровенскі Каардынаты 53°52′34″ пн. ш. 25°24′28″ у. д. Насельніцтва ▼48 чал. (2009) Часавы пояс UTC+3 Тэлефонны код +375 154 Паштовыя індэксы 231309 Аўтамабільны код 4 Плябанцы Плябанцы

Пляба́нцы (трансліт.: Pliabancy, руск.: Плебанцы) — вёска ў Лідскім раёне Гродзенскай вобласці. Уваходзіць у склад Дубровенскага сельсавета.

Геаграфія

Знаходзіцца за 7 км на ўсход ад Ліды. На поўдні працякае рака Нарва (прыток Нёмана). У цэнтры вёскі сажалка. Транспартныя сувязі па мясцовай дарозе і далей па шашы Ліда—Ліпнішкі.

Гісторыя

У 1387 годзе (паводле іншых звестак яшчэ ў 1381 годзе) вялікі князь літоўскі Ягайла заснаваў у Лідзе адзін з першых каталіцкіх храмаў на тэрыторыі ВКЛ — Фарны касцёл. Каб забяспечыць фінансаванне парафіі і ўтрыманне манахаў-францысканцаў, Ягайла перадаў касцёлу ва ўласнасць маёнтак Плябанцы.

Маёнтак на працягу стагоддзяў заставаўся ўласнасцю каталіцкага касцёла. Гэты статус і каралеўскі прывілей (фундуш) афіцыйна пацвердзіў Жыгімонт III Ваза 7 ліпеня 1616 года. Згодна з вопісам парафій Лідскага дэканату 1784 года, Плябанцы, фальварак і вёска лідскага ксяндза-плябана, знаходзяцца на зімовы ўсход за вялікую мілю ад Ліды.

Пасля падзелаў Рэчы Паспалітай вёска ўвайшла ў склад Расійскай імперыі. Яна адносілася да Лідскай воласці Лідскага павета Віленскай губерні. Паводле «Спіса населеных месцаў Віленської губерні» за 1905 год, у вёсцы Плябанцы налічвалася 132 жыхары (63 мужчыны і 69 жанчын). Зямлі вёска мела 151 дзесяціну і знаходзілася ў 8 вёрстах ад чыгуначнай станцыі Ліда.

З 1921 года ў складзе Польшчы. Адміністрацыйна належала да Лідскай вясковай гміны Лідскага павета Навагрудскага ваяводства.

З 1939 года ў БССР.

Насельніцтва

Год Колькасць 1999 69 2009 48

Літаратура

• Гарады і вёскі Беларусі: Энцыклапедыя. Т. 9: Гродзенская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2016. — 848 с.: іл. — 1 500 экз. — ISBN 978-985-11-0908-7.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх