Сцеркава

Вёска Сцеркава Краіна Беларусь Вобласць Гродзенская Раён Лідскі Сельсавет Дубровенскі Каардынаты 53°53′55″ пн. ш. 25°28′28″ у. д. Насельніцтва ▼159 чал. (2019) Часавы пояс UTC+3 Тэлефонны код +375 154 Паштовыя індэксы 231309 Аўтамабільны код 4 СААТА 4236813036 Сцеркава на карце Беларусі ±

Сцеркава на Вікісховішчы

Сце́ркава (трансліт.: Scierkava, руск.: Стерково) — вёска ў Лідскім раёне Гродзенскай вобласці. Уваходзіць у склад Дубровенскага сельсавета.

Геаграфія

Знаходзіцца за 9 км на ўсход ад Ліды. Транспартныя сувязі па шашы Ліда—Ліпнішкі.

Рэльеф раўнінны. На поўдні — лясны масіў.

Гісторыя

Вопіс парафій Лідскага дэканата ў 1784 годзе згадвае Сцеркава ў складзе Лідскай парафіі. Каля вёскі ішла дарога на Ліпнішкі, дарога да Іўя ад Сцеркава цягнулася над балотам паміж бярозавымі гаямі каля Гаўі.

З 1795 года ў Расійскай імперыі. У 1897 годзе вёска ў Ліпнішскай воласці Ашмянскага павета Віленскай губерні.

З верасня 1915 года да канца 1918 года акупавана германскімі войскамі. Са студзеня 1919 года ў складзе БССР, у красавіку занята польскімі войскамі. З ліпеня да верасня 1920 года кантралявалася Чырвонай Арміяй, затым ізноў польскімі войскамі.

З сакавіка 1921 да верасня 1939 года ў складзе Польшчы, вёска Лідскай гміны Лідскага павета Наваградскага ваяводства. З тых часоў захавалася паданне, як сцеркаўскі солтыс Станіслаў Цешка «змагаўся» супраць Беларускай сялянскай грамады. Грамадоўцы паводле сваёй сацыялістычнай сутнасці на розныя рэвалюцыйныя святы ладзілі дэманстрацыі і хадзілі з чырвонымі сцягамі. Польскія ўлады патрабавалі ад солтысаў не дапускаць тых дэманстрацыяў. Цешка паступаў наступным чынам: «Гэта яны з голаду дэманструюць», — казаў ён, і ў Сцеркаве для дэманстрантаў накрывалі стол, ставілі паесці і, нават, выпіць. Пасля добрага пачастунку сацыялістычныя настроі ішлі на спад, дэманстранты згортвалі сцягі і расходзіліся па дамах.

З лістапада 1939 года ў БССР. З канца чэрвеня 1941 года да пачатку ліпеня 1944 года пад нямецка-фашысцкай акупацыяй. Акупанты загубілі 4 мірных жыхароў.

Да 21 лютага 2023 года вёска ўваходзіла ў склад Бердаўскага сельсавета.

Літаратура

• Гарады і вёскі Беларусі: Энцыклапедыя. Т. 9: Гродзенская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2016. — 848 с.: іл. — 1 500 экз. — ISBN 978-985-11-0908-7.

Спасылкі

• На Вікісховішчы ёсць медыяфайлы па тэме Сцеркава