Ніігата (прэфектура)

Прэфектура Ніігата на карце Японіі Карта прэфектуры Ніігата
Размяшчэнне
Краіна	Японія
Востраў	Хонсю
Каардынаты	37°37′ пн. ш. 138°52′ у. д.
Інфармацыя
Адміністрацыйны цэнтр	Ніігата
ISO 3166-2:JP	JP-15
Статыстыка
Плошча	12 583,72 км² (5-я)
% вады	0,2% %
Насельніцтва	(на 1 мая 2010)
Усяго	2 374 509 чал. (14-я)
Шчыльнасць	188,41 чал./км²
Паветаў	10
Муніцыпалітэтаў	31
Сімволіка
Сцяг прэфектуры
Эмблема прэфектуры
Дрэва	Камелія японская (Camellia japonica)
Кветка	Цюльпан Геснера (Tulipa gesneriana)
Птушка	Чырвонаногі ібіс (Nipponia nippon)
Адміністрацыя
Губернатар	Хірахіка Ідзуміда
Афіцыйны сайт (яп.)

Ніігата (яп.: 新潟県 Ніігата-кэн) — прэфектура, размешчаная ў рэгіёне Цюбу на востраве Хонсю, Японія. Адміністрацыйны цэнтр прэфектуры — горад Ніігата. Плошча прэфектуры складае 12 583,83 км², насельніцтва — 2 370 863 чалавека (1 чэрвеня 2010), шчыльнасць насельніцтва — 188,41 чал./км².

Ніігата — адна з найбуйнейшых прэфектур Японіі, у ёй размяшчаецца найбольшая ў Японіі колькасць сінтаісцкіх свяцілішчаў. Яна з'яўляецца радзімай самурайскага заступніка Уэсугі Кэнсіна. Сучасная Ніігата вядомая сваімі папулярнымі горналыжнымі курортамі (Мёко).

Геаграфія

Ніігата мае выхад да Японскага мора. Яе тэрыторыя перасечана горамі, асабліва высокімі на межах з іншымі прэфектурамі. Да прэфектуры адносіцца астравы Садо і Авасіма. Ніігата размешчана ў адной з найбольш небяспечных сейсмічных зон. Тэрыторыя прэфектуры адпавядае гістарычнай правінцыі Этыго.

Адміністрацыйны падзел

У прэфектуры размешчана 20 гарадоў і 10 паветаў (7 пасёлкаў і 4 сёлы).

Гарады

Агана; Гасэн; Дзёэцу; Ітаігава; Камо;

Касівадзакі; Мінаміўанума; Міцукэ; Муракамі; Мёко;

Нагаока; Ніігата (цэнтр); Одзія; Садо; Сандзё;

Сібата; Тайнай; Такаматы; Уанума; Цубамэ.

Пасёлкі і села

Пасёлкі і сёлы паводле паветаў:

Івафунэ; Авасімаўра; Сэкікава; Карыва; Карыва; Кітакамбара; Сэйро; Кітаўанума Кавагуты; Мінамікамбара; Тагамі;

Мінаміўанума; Юдзава; Накаўанума; Цунан; Нісікамбара Яхіка; Санто Ідзумадзакі; Хігасікамбара Ага.

Сімволіка

Першая эмблема прэфектуры была прынята 23 жніўня 1963 года. Яна ўяўляе сабой акружнасць, якая перарываецца стылізаваным сімвалам катаканы «га» (яп.: ガ). Сцяг прэфектуры быў прыняты таксама 23 жніўня 1963 года. Новая эмблема была зацверджана 27 сакавіка 1992 года. Хваля, намаляваная на эмблеме, сімвалізуе патэнцыял для бязмежнага развіцця прэфектуры.

Кветкай прэфектуры 23 жніўня 1963 гады абралі цюльпан Геснера, дзікай кветкай — прымулу (primula modesta, 1 сакавіка 2008), дрэвам — японскую камелію (27 жніўня 1966), а птушкай — чырвонаногага ібіса (13 верасня 1965).

Спасылкі

• На Вікісховішчы ёсць медыяфайлы па тэме Ніігата
• Афіцыйны сайт (яп.)
• НИИГАТА // Япония от А до Я. Популярная иллюстрированная энциклопедия. (CD-ROM). — М.: Directmedia Publishing, «Япония сегодня», 2008. — ISBN 978-5-94865-190-3.
• Ніігата (прэфектура ў Японіі) (руск.) — артыкул з Вялікай савецкай энцыклапедыі