Пётр Лук’янавіч Грышчанка

Пётр Лук'янавіч Грышчанка
Дата нараджэння	1 жніўня 1921(1921-08-01)
Месца нараджэння	вёска Кукавячына, Віцебскі раён
Дата смерці	21 лютага 1973(1973-02-21) (51 год)
Месца смерці	Масква
Месца пахавання	Lyublinskoe cemetery[d]
Альма-матар	Ваенна-паветраная акадэмія імя Ю. А. Гагарына
Грамадзянства	СССР
Прыналежнасць	СССР
Род войскаў	авіяцыя
Гады службы	1940—1961
Званне	падпалкоўнік
Бітвы/войны	Вялікая Айчынная вайна
Узнагароды і званні

Пётр Лук’янавіч Гры́шчанка (1 жніўня 1921—21 лютага 1973) — ваенны лётчык, удзельнік Вялікай Айчыннай вайны. Герой Савецкага Саюза (01.07.1944).

Біяграфія

Нарадзіўся ў вёсцы Кукавячына (Віцебскі раён). Скончыў сярэднюю школу і ў 1939 годзе Віцебскі аэраклуб. З 1940 г. у Чырвонай Арміі. У 1942 годзе скончыў ваенную авіяцыйную школу пілотаў у Армавіры. Падчас Вялікай Айчыннай вайны на фронце з сакавіка 1943 г. Удзельнік Курскай бітвы і Берлінскай аперацыі, вызвалення Украіны, Польшчы, Чэхаславакіі.

Да пачатку лютага 1944 года камандзір звяна 32-га знішчальнага авіяпалка (256-я знішчальная авіядывізія, 5-ы знішчальны авіяцыйны корпус, 2-я Паветраная армія, 1-ы Украінскі фронт) лейтэнант П. Л. Грышчанка выканаў 155 баявых вылетаў, асабіста збіў 15 варожых самалётаў.

1 ліпеня 1944 года за мужнасць і адвагу, праяўленыя ў баях з ворагамі, яму было прысвоена званне Героя Савецкага Саюза.

Пасля вайны П. Л. Грышчанка працягваў ваенную службу. У 1950 годзе скончыў Вышэйшыя афіцэрскія лётна-тактычныя курсы, у 1955 г. — Ваенна-паветраную акадэмію. З 1961 года падпалкоўнік П. Л. Грышчанка ў запасе. Жыў і працаваў у горадзе Люберцы.

Узнагароды

• Медаль «Залатая Зорка» Героя Савецкага Саюза (№ 2338)
• Ордэн Леніна (№ 10948)
• Тры ордэны Чырвонага Сцяга
• Ордэн Чырвонай Зоркі
• Ордэны Айчыннай вайны I і II ступені
• медалі

Літаратура

• Грышчанка Пётр Лук’янавіч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 488. — 10 000 экз. — ISBN 985-11-0035-8. — ISBN 985-11-0090-0 (т. 5).
• Энцыклапедыя гісторыі Беларусі. У 6 т. Т. 3: Гімназіі — Кадэнцыя / Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн. : БелЭн, 1996. — 527 с. — 10 000 экз. — ISBN 985-11-0041-2.
• Навечно в сердце народном: Справочник / Главный ред. И. П. Шамякин. — 3-е изд., испр. и доп. — Мн.: БелСЭ, 1984. — 607 с. — 65 000 экз. (руск.)

Спасылкі

• Пётр Лук’янавіч Грышчанка на сайце «Героі краіны»
• Петр Лукьянович Грищенко(недаступная спасылка) (руск.) // Сайт Віцебскага райвыканкама