Пётр Міхайлавіч Смыслоў

Пётр Міхайлавіч Смыслоў
Дата нараджэння	14 чэрвеня 1827(1827-06-14)
Месца нараджэння	Наўгародская губерня, Расійская імперыя
Дата смерці	6 (18) снежня 1891 (64 гады)
Месца смерці	Вільня, Віленскі павет, Віленская губерня, Расійская імперыя
Грамадзянства	Расійская імперыя
Род дзейнасці	астраном, геадэзіст
Месца працы	Пулкаўская абсерваторыя Віленская астранамічная абсерваторыя[d]
Член у	Рускае геаграфічнае таварыства
Узнагароды

Пётр Міхайлавіч Смысло́ў (руск.: Пётр Михайлович Смыслов; 14 чэрвеня 1827 — 18 снежня 1891) — рускі астраном і геадэзіст, генерал-маёр. Член Рускага геаграфічнага таварыства (1863), адзін з заснавальнікаў Рускага астранамічнага таварыства.

Нарадзіўся ў Наўгародскай губерні. Адукацыю атрымаў у школе ваенна-тапаграфічнага бюро. У 1841 годзе паступіў на службу тапографам у роту Ваенна-тапаграфічнага дэпо Генеральнага штаба. У 1844—1851 і 1855—1857 гадах займаўся астранома-геадэзічнымі і гравіметрычнымі работамі ў Віцебскай, Наўгародскай і Пскоўскай губернях. У 1855 годзе прызначаны ад’юнкт-астраномам Пулкаўской абсерваторыі, выкладаў практычную астраномію і геадэзію афіцэрам геадэзічнага аддзялення Мікалаеўскай Акадэміі Генеральнага штаба. У 1855—1859 гадах удзельнічаў у шэрагу экспедыцый па вызначэнні даўгот Архангельска, Астрахані і іншых гарадоў. У 1862 годзе быў камандзіраваны ў Варшаву для досведаў па ўжыванні вынайдзенага О. В. Струвэ дальнамера. У 1863 годзе разам з М. Ф. Хандрыкавым вызначыў па тэлеграфе рознасць даўгот Маскоўскай і Пулкаўскай абсерваторый, у 1865—1868 гадах разам з А. М. Савічам і Р. Э. Ленцам правёў упершыню ў Расіі абсалютныя вызначэнні паскарэння сілы цяжару пры дапамозе паваротнага маятніка. У 1866—1862 гадах — дырэктар Віленскай астранамічнай абсерваторыі.

Звольнены са службы 18 студзеня 1883 года. Жыў у Вільне. Быў членам Віленскага губернскага статыстычнага камітэта.

У 1859 годзе ўзнагароджаны Дзямідаўскай прэміяй. Член астранамічнага таварыства ў Гейдэльбергу (1863), член Рускага геаграфічнага таварыства (1863), кіраўнік Паўночна-Заходняга аддзела Рускага геаграфічнага таварыства (з 1867 года).

Літаратура

• Болсун А. І. Смірноў Пётр Міхайлавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 64. — 10 000 экз. — ISBN 985-11-0035-8. — ISBN 985-11-0251-2 (т. 15).
• Смыслов Пётр Михайлович // Т. 23. Сафлор — Соан. — М. : Советская энциклопедия, 1976. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)

Спасылкі

• Смыслов, Пётр Михайлович // Вестник геодезии, картографии и геоинформатики (руск.)
• Смыслов, Пётр Михайлович // История геодезии (руск.)