Радоўка

Радоўка
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Радоўкавыя Род:  Радоўка
Міжнародная навуковая назва
Tricholoma Staude, 1857
Сістэматыка на Віківідах Выявы на Вікісховішчы NCBI   40144 EOL   16734 MB   18677

Радоўка (Tricholoma) — род шапкавых базідыяльных грыбоў сямейства Радоўкавыя (Tricholomataceae).

Адрозніваецца каля 100 відаў. Пашыраны ўсюды, на тэрыторыі Беларусі 36 відаў. Найбольш вядомыя зялёнка (Tricholoma equestre), падзялёнка (Tricholoma portentosum), радоўка бела-карычневая (Tricholoma albobrunneum), радоўка мыльная (Tricholoma saponaceum), радоўка сухая (Tricholoma sudum). Трапляюцца з верасня па кастрычнік пераважна ў хвойных лясах.

Пладовае цела грыба — шапка на ножцы. Шапка лускаватая ці гладкая, бураватая, шараватая, белаватая, злёгку пукатая або шырокалейкападобная. Пласцінкі свабодныя ці прырослыя. Мякаць белаватая, на зломе часам ружавее. Ножка цэнтральная, цыліндрычная, шчыльная. Споры гладкія, эліпсоідныя.

Ёсць ядомыя і ядавітыя віды.

Літаратура

• Радоўка // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).
• Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 75—85. — 192 с. — 60 000 экз.
• Грибы СССР / М. В. Горленко, М. А. Бондарцева, Л. В. Гарибова и др.; Отв. ред. М. В. Горленко. — М.: Мысль, 1980. — 303 с. — (Справочники-определители географа и путешественника). — 100 000 экз. (руск.)