Раслякі (вёска)

Вёска Раслякі Краіна Беларусь Вобласць Віцебская Раён Гарадоцкі Сельсавет Першамайскі Каардынаты 55°34′21″ пн. ш. 29°36′52″ у. д. Насельніцтва ▼3 чал. (2009) Часавы пояс UTC+3 Тэлефонны код +375 2139 Аўтамабільны код 2 СААТА 2218874151 Раслякі на карце Беларусі ±

Раслякі́ (трансліт.: Rasliaki, руск.: Росляки) — вёска ў Гарадоцкім раёне Віцебскай вобласці. Уваходзіць у склад Першамайскага сельсавета. На чыгуначнай лініі Гарадок — Невель, за 16 км ад Гарадка, 52 км ад Віцебска. Рэльеф раўнінны. На захадзе працякае рака Сутокі (прыток ракі Каменка), на поўдні знаходзіцца ўчастак лесу. Транспартныя сувязі па мясцовай дарозе і далей па шашы Гарадок — Невель.

Гісторыя

У 1920 годзе ў Паташнянскай воласці Гарадоцкага павета. З 20 жніўня 1924 года ў Паташнянскім сельсавеце (9 кастрычніка 1929 года перайменаваны ў Першамайскі) Гарадоцкага раёна Віцебскай акругі (да 26 ліпеня 1930 года). У Другой сусветнай вайне ў кастрычніку 1942 года вёска спалена нацысцкімі захопнікамі, з фронту не вярнуліся 12 жыхароў. Пасля вайны адбудавана. У 1999 годзе была ў складзе калгаса імя Маякоўскага. У 2012 годзе была ў складзе ААТ «Гарадоцкі льнозавод».

Насельніцтва

• 7 двароў, 32 жыхары (1920)
• 5 двароў, 21 жыхар (1926)
• 10 двароў, 15 жыхароў (1941)
• 13 жыхароў (1959)
• 8 жыхароў (1970)
• 10 гаспадарак, 14 жыхароў (2002)
• 1 гаспадарка, 1 жыхар (2018)

Вядомыя асобы

• Уладзімір Рыгоравіч Башкіраў (нар. 1947) — беларускі свяшчэннік (мітрафорны протаіерэй), багаслоў. Доктар багаслоўя (2009), прафесар (2006).

Літаратура

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх