Свята-Параскева-Пятніцкая царква (Мясяцічы)
Праваслаўны храм | |
Свята-Параскева-Пятніцкая царква | |
---|---|
![]() | |
52°03′58,67″ пн. ш. 26°23′33,56″ у. д.HGЯO | |
Краіна |
![]() |
Вёска | Мясяцічы |
Канфесія | Праваслаўе |
Епархія | Пінская і Лунінецкая |
Благачынне | Пінскае |
Архітэктурны стыль | народнае дойлідства |
Дата пабудовы | 1794 год |
Статус |
![]() |
Стан | дзейнічае |
![]() |
Свята-Параскева-Пятніцкая царква — драўляны праваслаўны храм у вёсцы Мясяцічы Пінскага раёна Брэсцкай вобласці, помнік драўлянага дойлідства.
Гісторыя
[правіць | правіць зыходнік]Пабудавана ў 1794 годзе. У 1899—1902 гадах настаяцелем царквы быў Мікалай Шамяціла. Занесена ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэспубліканскага значэння.
Архітэктура
[правіць | правіць зыходнік]![](http://upload.wikimedia.org/wikipedia/commons/thumb/3/32/Church_in_Misiatichy.jpg/220px-Church_in_Misiatichy.jpg)
![](http://upload.wikimedia.org/wikipedia/commons/thumb/f/ff/%D0%9C%D0%B0%D1%86%D1%96_%D0%91%D0%BE%D0%B6%D0%B0%D1%8F_%D0%A7%D0%B0%D0%BD%D1%81%D1%82%D0%B0%D1%85%D0%BE%D1%9E%D1%81%D0%BA%D0%B0%D1%8F._%D0%9C%D0%B5%D1%81%D1%8F%D1%86%D1%96%D1%87%D1%8B.jpg/220px-%D0%9C%D0%B0%D1%86%D1%96_%D0%91%D0%BE%D0%B6%D0%B0%D1%8F_%D0%A7%D0%B0%D0%BD%D1%81%D1%82%D0%B0%D1%85%D0%BE%D1%9E%D1%81%D0%BA%D0%B0%D1%8F._%D0%9C%D0%B5%D1%81%D1%8F%D1%86%D1%96%D1%87%D1%8B.jpg)
![](http://upload.wikimedia.org/wikipedia/commons/thumb/0/06/%D0%9F%D1%80%D0%B0%D0%B0%D0%B1%D1%80%D0%B0%D0%B6%D1%8D%D0%BD%D0%BD%D0%B5._%D0%9C%D0%B5%D1%81%D1%8F%D1%86%D1%96%D1%87%D1%8B.jpg/220px-%D0%9F%D1%80%D0%B0%D0%B0%D0%B1%D1%80%D0%B0%D0%B6%D1%8D%D0%BD%D0%BD%D0%B5._%D0%9C%D0%B5%D1%81%D1%8F%D1%86%D1%96%D1%87%D1%8B.jpg)
Трохзрубная, з прамавугольнымі ў плане асноўным зрубам і бабінцам і пяціграннай алтарнай апсідай. Асноўны зруб накрыты шатровым дахам з галоўкай на глухім барабане, бабінец і апсіда — вальмавымі. Пры ўваходзе тамбур з двухсхільным дахам. Сцены гарызантальна ашаляваныя, вокны прамавугольныя. Унутры памяшканні маюць плоскую бэлечную столь (спачатку асноўны зруб перакрываўся пірамідальным верхам). Над бабінцам — хоры.
Інтэр’ер
[правіць | правіць зыходнік]Памяшканні царквы аб’яднаны агульнай плоскай столлю (змяніла пірамідальнае скляпенне ў 19 ст.), аб’яднаны шырокімі праёмамі-прасветамі. Апсіда вылучана невысокім драўляным іканастасам. Над бабінцам створаны хоры. Абразы ў металічных абкладах: «Спас Пантакратар» (1767), «Маці Божая» (1785), «Праабражэнне», «Пакроў Багародзіцы» (18 ст.), «Маці Божая Адзігітрыя» (1810), «Маці Божая з дзіцем» (1843), «Вогненнае ўзнясенне Іліі» і «Узнясенне» (у 1855 ахвяраваны мясцовым дваранствам), «Святы Мікалай» (19 ст.).
Званіца
[правіць | правіць зыходнік]На паўднёвы захад ад царквы пастаўлена 2-ярусная званіца. Першы зрубавы вертыкальна ашаляваны ярус вылучаны шырокім гонтавым адлівам, другі — слупавы каркас, накрыты пакатым гонтавым шатровым дахам.
Літаратура
[правіць | правіць зыходнік]- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі
[правіць | правіць зыходнік]На Вікісховішчы ёсць медыяфайлы па тэме Свята-Параскева-Пятніцкая царква (Мясяцічы)
- Свята-Параскева-Пятніцкая царква (Мясяцічы) на сайце Radzima.org
- Свята-Параскева-Пятніцкая царква (Мясяцічы) на сайце Глобус Беларусі (руск.)
- Свята-Параскева-Пятніцкая царква (Мясяцічы) на сайце «Архіварта»