Свята-Раства-Багародзіцкая царква (Лемяшэвічы)

Праваслаўны храм
Свята-Раства-Багародзіцкая царква
Царква Раства Багародзіцы са скульптурай Ісуса
52°05′21,91″ пн. ш. 26°19′22,55″ у. д.
Краіна	Беларусь
Вёска	Лемяшэвічы
Канфесія	Беларуская праваслаўная царква
Епархія	Пінская і Лунінецкая
Архітэктурны стыль	з рысамі рэтраспектыўна-рускага стылю
Архітэктар	Вайковіч
Будаўніцтва	1872—1881 гады
Статус	Гісторыка-культурная каштоўнасць Беларусі, шыфр 112Г000570
Медыяфайлы на Вікісховішчы

Свята-Раства-Багародзіцкая царква — праваслаўны храм у в. Лемяшэвічы Пінскага раёна Брэсцкай вобласці. Знаходзіцца ў цэнтры вёскі.

Гісторыя

Царква ў 1912 годзе. І. Сербаў

Пабудавана ў 1872 — 1881 гг. з дрэва архітэктарам Вайковічам.

Архітэктура

Твор народнага дойлідства з рысамі рэтраспектыўна-рускага стылю. Складаецца з кубападобнага цэнтральнага зруба, да якога далучаюцца прамавугольныя бабінец, бакавыя прыдзелы і апсіда. У прасторавай кампазіцыі пануе трох'ярусная шатровая званіца і цэнтальны зруб, накрыты чатырохсхільным дахам з какошнікамі і шлемападобным купалам у завяршэнні чацверыковага барабана.

Інтэр'ер

Абраз «Цуд Мікалая, які ратуе тапельцаў». Выкананыя з саломкі царскія вароты іканастаса канца 18 ст., якія зараз захоўваюцца ў Нацыянальным мастацкім музеі Рэспублікі Беларусь.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы ёсць медыяфайлы па тэме Свята-Раства-Багародзіцкая царква (Лемяшэвічы)
• Свята-Раства-Багародзіцкая царква (Лемяшэвічы) на сайце Radzima.org
• Свята-Раства-Багародзіцкая царква (Лемяшэвічы) на сайце Глобус Беларусі (руск.)
• Свята-Раства-Багародзіцкая царква (Лемяшэвічы) на сайце «Архіварта»