Святы Еранім (карціна Леанарда да Вінчы)

Леанарда да Вінчы
Святы Еранім. 1480—82
San Girolamo
Матэрыял	Дрэва
Тэхніка	алей
Памеры	103 × 75 см
Ватыканская пінакатэка, Ватыкан
(інв. MV.40337)
Медыяфайлы на Вікісховішчы

«Святы Еранім» (італ.: San Girolamo) — няскончаная карціна пэндзля вялікага італьянскага мастака Леанарда да Вінчы, якая захоўваецца ў Ватыканскай пінакатэцы. Заказаная царкоўнымі ўладамі Фларэнцыі, яна так і засталася незавершанай, паколькі мастак адбыў у Мілан у 1482 годзе. Карціна адносіцца да перыяду працы Леанарда да Вінчы ў майстэрні Андрэа Верок'я.

Цэнтральным героем кампазіцыі з'яўляецца Святы Еранім, які каецца. Фігура Ераніма выразная. У правай руцэ ён трымае камень. Перад ім ляжыць звычайны спадарожнік гэтага святога — леў.

Захаванасць

Карціна дайшла да нашага часу ў пашкоджаным стане. Яна была моцна абрэзана і затым распілавана на дзве часткі, з якіх ніжняя магла служыць векам скрыні. Гэтыя часткі сабраў разам кардынал Феш. Паводле падання, ён знайшоў ніжнюю частку карціны ў нейкай краме, дзе яна служыла стальніцай.

Пасля смерці кардынала Пій IX, які пажадаў мець твор Леанарда ў карціннай галерэі Ватыкана, заплаціў за «Святога Ераніма» (у 1845 г.) 2500 тыс. франкаў.

Літаратура

• Edoardo Villata, Leonardo, Milano 2005, pag. 24
• Milena Magnano, Leonardo, collana I Geni dell’arte, Mondadori Arte, Milano 2007, pag. 58. ISBN 978-88-370-6432-7
• Brockwell, Maurice Walter, Leonardo da Vinci. Kessinger, 2004, p. 7
• Zöllner, Frank, Leonardo da Vinci: the complete paintings and sculptures. London: Taschen, 2003, p. 221

Спасылкі

• На Вікісховішчы ёсць медыяфайлы па тэме Святы Еранім