Спрынгс

Спрынгс англ.: Springs Краіна  ПАР Каардынаты 26°15′17″ пд. ш. 28°26′34″ у. д. Заснаваны 1904 Вышыня цэнтра 1 627 ± 1 м Часавы пояс UTC+2 Тэлефонны код 011 Паштовыя індэксы 1559 і 1560 Спрынгс на карце ПАР

Медыяфайлы на Вікісховішчы

Спрынгс (англ.: Springs) — горад у Паўднёва-Афрыканскай Рэспубліцы, у правінцыі Гаўтэнг, на ўсход ад Яганэсбурга.

Гістрыя

Горад заснаваны ў 1904 годзе работнікамі бліжэйшых вугальных шахт і золатаздабываючых руднікоў, але яго гісторыю магчыма адлічваць прыкладна з 1840 года, калі ў гэты раён пераехалі фермеры і абвясцілі свае фермы самастойным. У 1902 годзе ў паселішчы быў прызначаны камітэт аховы здароўя, які сачыў за будаўніцтвам і размяшчэннем збудаванняў, а таксама за гігіенай. У красавіку 1904 года паселішча атрымала статус горада пад сучаснай назвай, камітэт аховы здароўя быў заменены гарадскім саветам.

Насельніцтва

У 2001 годзе насельніцтва Спрынгса разам з прыгарадамі складала больш за 100 тыс. чалавек.

Эканоміка

Спрынгс з’яўляецца горадам-спадарожнікам Яганэсбурга. Транспартны вузел. Дзейнічае прамысловасць па вытворчасці горна-шахтнага і электрычнага абсталявання, металаапрацоўчая і шкляная прамысловасць. Цэнтр золатапрамысловага і ўраназдабываючага раёна (у 1962 годзе тут выраблялася 10 % золата краіны і 9 % урану). у наваколлі горада вядзецца здабыча каменнага вугалю.

Вядомыя асобы

• Надзін Гордымер (1923—2014) — англамоўная пісьменніца, паэтэса, лаўрэат Нобелеўскай прэміі па літаратуры (1991).

Літаратура

• Спрынгс // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 121. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Springs // South African History Online (SAHO) (англ.)