Суражскі замак
| Помнік гісторыі і абарончай архітэктуры | |
| Суражскі замак | |
|---|---|
.jpg) Замчышча з боку Дзвіны, 1893 г. | |
| 55°24′31″ пн. ш. 30°43′18″ у. д.HGЯO | |
| Краіна |
 Беларусь |
| Мястэчка | Сураж |
| Заснавальнік | Жыгімонт II Аўгуст |
| Дата заснавання | 1563 |
| Стан | не захаваўся |
 |
|
 Медыяфайлы на Вікісховішчы | |
Суражскі драўляны замак — помнік гісторыі і абарончай архітэктуры ў Суражы. Знаходзіўся на левым беразе Дзвіны ля яе прытокаў Суражкі і Касплі. Існаваў у XVI—XVIII стагоддзях. Аб’ект Дзяржаўнага спісу гісторыка-культурных каштоўнасцей Беларусі. Стылізаваная выява замка змяшчаецца не гербе Суража.
Гісторыя[правіць | правіць зыходнік]
.jpg)
|
_(2).jpg)
| |
План забудовы Замчышча, 1778 г.
| ||
Вялікае Княства Літоўскае[правіць | правіць зыходнік]
Зрублены пасля пачатку баявых дзеянняў ў 1563 г. паводле загаду вялікага князя Жыгімонта Аўгуста віцебскім ваяводам Стафанам Андрэевічам Збаражскім[1].
У 1616, 1654 гадах замак захоплівалі маскоўскія войскі.
Архітэктура[правіць | правіць зыходнік]
Драўляны замак быў аточаны земляным валам, відаць, толькі з усходу і поўначы, а з боку Касплі абараняўся крутым берагавым абрывам і шырокай ракой. Меў таксама драўляныя фартыфікацыі — гародні.
На рысунку («Чертеж», 1701 год), зробленым І. Цызыровым, стольнікам маскоўскага гаспадара Пятра I, фіксуюцца абарончыя сцены замка без вежаў і два масты цераз роў. Пасля 1765 года замак меў вал шырынёй каля 11,5 мэтраў і паркан-астракол. Цераз абарончы роў да драўлянай замкавай брамы вёў мост.[2]
Зноскі
- ↑ Нацыянальны гістарычны архіў Беларусі. Ф. КМФ-18. — Воп. 1. — Спр. 42. — Арк. 66 адв.
- ↑ Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 10 000 экз. — ISBN 985-11-0214-8. С. 448.
Літаратура[правіць | правіць зыходнік]
- Брэжго Б. Замкі Віцебшчыны. — Вільня: Друкарня Я. Левіна, 1933. — 38 с.: іл.
- Су́ражскі за́мак // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 278. — 10 000 экз. — ISBN 985-11-0035-8. — ISBN 985-11-0251-2 (т. 15).
- Міхась Ткачоў. Су́ражскі за́мак // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 447—448. — 10 000 экз. — ISBN 985-11-0214-8.