Сурдакамера

Сурдака́мера (ад лац.: surdus — глухі + камера) — герметычнае памяшканне (кабіна) з гуканепранікальнымі сценкамі, якое служыць для правядзення фізіялагічных, псіхалагічных і іншых даследаванняў, а таксама трэніровак ва ўмовах частковага або поўнага спынення вонкавага ўздзеяння.

Унутраная паверхня сурдакамеры мае адмыслова пакрытую паверхню, якая забяспечвае мінімальнае адбіццё гукавых хваль. Сурдакамера забяспечваецца абсталяваннем жыццязабеспячэння, прыборамі і апаратамі рэгістрацыі вынікаў выпрабаванняў і непасрэднага назірання. Праводзіцца трэніроўка, праверка змен увагі, памяці, мыслення, хуткасці рэакцыі, самаадчування чалавека, які знаходзіцца ў камеры. Пры гэтым ствараецца пэўны рэжым чаргавання перыядаў поўнай цішыні і перыядаў уздзеяння на падвопытнага рознымі сігналамі — гукам, святлом, вібрацыяй і інш. Сурдакамера дазваляе таксама стварыць умовы так званай сэнсарнай дэпрывацыі, калі чалавек пазбаўляецца неабходнай інфармацыі.

Існуюць таксама сурдабаракамеры, у якіх магчыма пэўным чынам змяняць ціск унутры, так жа, як у баракамерах.

Літаратура

• Ларыёнаў У. С. Сурдака́мера // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 280. — 10 000 экз. — ISBN 985-11-0035-8. — ISBN 985-11-0251-2 (т. 15).
• Сурдака́мера // Тлумачальны слоўнік беларускай мовы: У 5-ці т / АН БССР, Інстытут мовазнаўства імя Я. Коласа. — Мн.: Беларус. Сав. Энцыклапедыя імя Петруся Броўкі, 1983. — Т. 5 кн. 1: С — Улагодзіць / [рэдактар М. Р. Суднік]. — С. 389. — 663 с.
• Белькевич В. И. Сурдокамера // Большая медицинская энциклопедия : [в 30 т. ] / гл. ред. акад. Б. В. Петровский; [Акад. мед. наук СССР]. — 3-е изд. — М.: Советская энциклопедия, 1985. — Т. 24: Сосудистый шов — Тениоз. — 544 с. — 150 600 экз. (руск.)
• Сурдокамера // Авиация: Энциклопедия / Гл. ред. Г. П. Свищев. — М.: Большая рос. энцикл.: Центр. аэрогидродинам. ин-т, 1994. — С. 552. — 735,[1] с.: ил.; 27 см. — ISBN 5-85270-086-X (В пер.) (руск.)
• Сурдокамера // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)

Спасылкі

• Опыт уединения (руск.) // Цэнтр падрыхтоўкі касманаўтаў імя Ю. А. Гагарына
• Сурдобарокамера (руск.) // Аб’яднаны мемарыяльны музей-запаведнік Ю. А. Гагарына
• Сурдокамера // Рувики (руск.)
• Наталия Ячменникова Подготовка космонавтов в сурдокамере. Российский космонавт проведет трое суток без сна и в полной тишине // Интернет-портал «Российской газеты» (руск.)
• Сурдокамера // Военный энциклопедический словарь (руск.) на сайце Міністэрства абароны Расійскай Федэрацыі