Сцяг Кірыбаці

З Вікіпедыі, свабоднай энцыклапедыі
Кірыбаці
Зацверджаны 12 ліпеня 1979
Прапорцыя Маленькі чорна-белы вексілалагічны сімвал або піктаграма, якае паказвае розныя выкарыстанні сцяга 1:2
Аўтар сцяга Артур Грымбл

Дзяржаўны сцяг Кірыбаці — прыняты 12 ліпеня 1979 года.

Апісанне і сімволіка[правіць | правіць зыходнік]

Сцяг Кірыбаці мае прамавугольную форму і адпавядае гербу краіны, падараванаму астравам у 1937 годзе.[1] Верхняя палова сцяга мае чырвоны колер. На ёй намаляваны фрэгат вялікай (лац.: Fregata minor) залацістага колеру, які ляціць над узыходзячым сонцам залацістага адцення. Ніжняя палова сцяга мае белы колер з трыма сінімі гарызантальнымі хвалістымі палосамі, якія сімвалізуюць хвалі акіяна.

Сцяг быў распрацаваны Артурам Грымблам (англ.: Sir Arthur Grimble) для брытанскай калоніі Астравы Гілберта і Эліс.

Колеры і прадметы маюць наступнае значэнне:

  • Чырвоны колер сімвалізуе неба.
  • Сіні колер сімвалізуе Ціхі акіян, у якім размешчаны астравы краіны.
  • Тры белыя палосы сімвалізуюць тры астраўныя групы краіны: астравы Гілберта, Фенікс і Лайн.
  • Узыходнае сонца сімвалізуе трапічнае сонца, з прычыны таго, што Кірыбаці размешчана па абодва бакі экватара. 17 сонечных прамянёў сімвалізуюць 16 астравоў у архіпелагу Гілберта і астравоў Банаба.
  • Фрэгат сімвалізуе ўладу, свабоду і культурны танец Кірыбаці.[2]

Гістарычныя сцягі[правіць | правіць зыходнік]

Сцяг брытанскай калоніі Вострава Гілберта і Эліс.

У каланіяльныя гады ў Кірыбаці выкарыстоўваўся тыповы для брытанскіх калоній сцяг: сіняе палатно, у верхнім левым вуглу якога знаходзілася выява сцяга Вялікабрытаніі, а ў правай частцы — герб калоніі.

Незадоўга да атрымання незалежнасці ў 1979 годзе ў калоніі быў праведзены конкурс на новы дзяржаўны сцяг. Геральдычная палата вырашыла прапанаваць некалькі мадыфікаваны выгляд сучаснага сцяга: была павялічана выява фрэгата і Сонца, а шырыня блакітных і белых палосак, наадварот, была паменшана. Аднак насельніцтва выступіла за арыгінальны дызайн, які і лёг у аснову сучаснага сцяга.[3]

Зноскі

  1. Flag of Kiribati (англ.)(недаступная спасылка). Encyclopædia Britannica. Архівавана з першакрыніцы 16 кастрычніка 2013. Праверана 11 января 2009.
  2. National Identity Act 1989 (англ.). Kiribati Sessional Legislation. Праверана 12 января 2009.
  3. Kiribati (англ.)(недаступная спасылка). FOTW Flags Of The World website. Архівавана з першакрыніцы 15 ліпеня 2013. Праверана 12 января 2009.

Спасылкі[правіць | правіць зыходнік]