Сцяпан Андрэевіч Бандэра

Сцяпан Андрэевіч Бандэра
укр.: Степан Бандера
Дата нараджэння	1 студзеня 1909(1909-01-01)
Месца нараджэння	Стары Угрынаў[d], Калушскі павет[d], Каралеўства Галіцыі і Ладамерыі, Цыслейтанія, Аўстра-Венгрыя
Дата смерці	15 кастрычніка 1959(1959-10-15)[…] (50 гадоў)
Месца смерці	Мюнхен, Верхняя Баварыя, Баварыя, Германія
Пахаванне	могілкі Вальдфрыдгоф у Мюнхене[d]
Грамадзянства	ZUNR  Польская Рэспубліка  Аўстра-Венгрыя апатрыд
Адукацыя	Львоўская палітэхніка
Веравызнанне	Украінская Грэка-Каталіцкая Царква
Партыя	OUN Organization of Ukrainian Nationalists (Banderite)[d]
Член у	OUN
Род дзейнасці	палітык, партызан
Бацька	Andriy Bandera[d]
Маці	Myroslava Bandera[d]
Жонка	Jarosława Bandera[d]
Дзеці	Andrii Bandera[d]
Узнагароды
Аўтограф
Медыяфайлы на Вікісховішчы

Сцяпа́н Андрэ́евіч Бандэ́ра (укр.: Степа́н Андрі́йович Банде́ра; 1 студзеня 1909, в. Стары Угрынаў, цяпер Івана-Франкоўская вобласць, Украіна  — 15 кастрычніка 1959) — палітычны дзеяч, ідэолаг украінскага нацыянальнага руху, кіраўнік Арганізацыі ўкраінскіх нацыяналістаў (АУН).

Біяграфія

Нарадзіўся на Станіслаўшчыне ў сям'і грэка-каталіцкага святара. З 1919 па 1927 навучаўся ў Стрыйскай гімназіі. У 1922 стаў членам «Пласта». З 1928 ва Украінскай ваеннай арганізацыі (УВА). Працаваў спачатку ў аддзеле разведкі, пазней — прапаганды. У гады вучобы на аграрным факультэце Львоўскага ўніверсітэта актыўна прымае ўдзел ва ўкраінскіх моладзевых арганізацыях. Адначасова знаходзіўся ў студэнцкай арганізацыі Група ўкраінскай нацыяналістычнай моладзі.

Помнік Сцяпану Бандэру ў Цярнопалі.

Член АУН з 1929. З 1940 (пасля падзелу арганізацыі) кіраўнік фракцыі бандэраўцаў — АУН(б). Арганізоўваў і ажыццяўляў тэрарыстычную дзейнасць супраць польскіх улад у адказ на іх антыўкраінскую палітку на Заходняй Украіне. Двойчы прыгавораны да пакарання смерцю. З пачатку ІІ сусветнай вайны супрацоўнічаў з гітлераўскімі спецслужбамі. За абвяшчэнне без згоды нямецкіх акупацыйных улад акта пра ўтварэнне «Украінскай самастойнай саборнай дзяржавы» зняволены ў канцлагеры Заксенгаўзен і Араніенбург. З 1943 АУН(б) абвясціла стратэгію «двухфрантавой» барацьбы супраць Берліна і Масквы. С. Бандэра ў кастрычніку 1944 быў вызвалены з канцлагера па загадзе Г. Гімлера.

Пасля вайны жыў у Мюнхене. Быў атручаны агентам КДБ.

Літаратура

• Бандэра // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).

Спасылкі

• Колекция от речите на Степан Бандера по «Перспективи на украинската революция» (бел.)
• (англ.) Stepan Bandera — Perspectives for Ukrainian Revolution (audio recordings)