Сямён Іванавіч Калеснікаў

З пляцоўкі Вікіпедыя
Jump to navigation Jump to search
Сямён Іванавіч Калеснікаў
сцяг
1-ы Міністр лясной гаспадаркі БССР
Прэм’ер-міністр: Панцеляймон Панамарэнка
Папярэднік: пасада засанаваная
Пераемнік: Іван Былінскі
сцяг
1-ы Упаўнаважаны Галоўнага ўпраўлення лясной аховы і лесанасаджэнняў (Галоўлесааховы) пры СНК СССР па БССР
2 студзеня 1944 — 1 ліпеня 1947
Прэм’ер-міністр: Іван Былінскі
Панцеляймон Панамарэнка
Папярэднік: пасада засанаваная
Пераемнік: пасада скасаваная
 
Партыя: УКП(б) (1938)
Адукацыя:
Нараджэнне: 1893
Смерць: 23 мая 1949(1949-05-23)
Пахаванне:
 
Узнагароды:
Ордэн Працоўнага Чырвонага Сцяга Ордэн «Знак Пашаны» Медаль «За абарону Масквы» Медаль «За перамогу над Германіяй у Вялікай Айчыннай вайне 1941—1945 гг.»
Медаль «За доблесную працу ў Вялікай Айчыннай вайне 1941-1945 гг.»

Сямё́н Іва́навіч Кале́снікаў (1893, мясцечка Краснаполле23 мая 1949, Мінск) — беларускі савецкі дзяржаўны дзеяч.

Біяграфія[правіць | правіць зыходнік]

Сямён Калеснікаў нарадзіўся ў 1893 годзе ў сялянскай сям'і[1].

Скончыўшы Крычаўскае рамеснае вучылішча ён пачаў працаваць на чыгуначнай станцыі Енакіева Екацярынаўскай губерні.

З пачаткам Першай сусветнай вайны быў прызван у войска, у 1916 годзе скончыў школу прапаршчыкаў.

У 1917 годзе ўступіў у Чырвоную Гвардыю, вярнуўся на радзіму і быў прызначаны начальнікам Крычаўскай міліцыі. Пасля ўзначаліў Крычаўскі валвыканкам[1].

У 1929 годзе ён скончыў лесагаспадарчы факультэт[1] Горацкую сельскагаспадарчую акадэмію, пасля чаго быў накіраваны на працу ў лясную гаспадарку. Пачынаў працу ляснічым, пазней кіраваў шэрагам леспрамгасаў, трэстам «Маглеспрам», лясным аддзелам Магілёўскага абкама КП БССР. Удзельнічаў у баях Вялікай Айчыннай вайны ў якасці намесніка камандзіра дарожна-эксплуатацыйнага палка[2].

Пасля вызвалення Беларускай ССР Калеснікаў быў адазваны з фронту і накіраваны на працу Упаўнаважаным Галоўлесааховы пры Савеце Народных Камісараў па рэспубліцы. Актыўны ўдзельнік пасляваеннага аднаўлення народнай гаспадаркі. Пасля пераўтварэння Галоўлесааховы ў Міністэрства лясной гаспадаркі Беларускай ССР ён быў прызначаны першым міністрам, у гэты перыяд яго намеснікам па кадрах працаваў Герой Савецкага Саюза Васіль Корж.

Магіла Сямёна Калеснікава на Вайсковых могілках

Раптоўна памёр ад інфаркту 25 мая 1949 года, пахаваны ў прысутнасці вялікай колькасці людзей на Вайсковых могілках Мінска[2].

Узнагароды[правіць | правіць зыходнік]

Зноскі

  1. 1,0 1,1 1,2 З гісторыі Краснапольскага лясгаса
  2. 2,0 2,1 Е. С. Колесникова. У министра подрастает внук... (руск.) . Белорусская лесная газета. Праверана 26 кастрычніка 2014.

Спасылкі[правіць | правіць зыходнік]