Сібірская Вікіпедыя
Сібірская Вікіпедыя | |
---|---|
Сибирска Википеддя | |
URL | ru-sib.wikipedia.org |
Тып сайта | моўны раздзел Вікіпедыі[d] |
Мова(-ы) | сібірска-чалдонская (штучная) |
Уладальнік | Wikimedia |
Аўтар | Яраслаў Залатароў |
Пачатак працы | 1 кастрычніка 2006 года |
Канец працы | 1 лістапада 2007 года |
Бягучы статус | выдалены |
Медыяфайлы на Вікісховішчы |
Сібірская Вікіпедыя (па-сібірску: Сибирска Википеддя) — закрыты раздзел Вікіпедыі на сібірскай мове[1].
Заснаваны 1 ліпеня 2006 года. 3 кастрычніка 2006 года колькасць артыкулаў у Сібірскай Вікіпедыі дасягнула 5 000. Станам на 11 жніўня 2007 года раздзел меў больш за 7 200 артыкулаў і паводле колькасці артыкулаў займаў 80-е месца сярод Вікіпедый. Закрыты рашэннем Фонду 19 верасня 2007 года.
Удзельнікі сібірскай Вікіпедыі займаліся перакладаннем розных тэкстаў на штучную сібірскую мову.
Сібірская мова[правіць | правіць зыходнік]
Сібірская мова — штучная мова на аснове сібірскіх старажыльчаскіх гаворак. Стваральнікі сцвярджалі, што такім чынам намагаліся стварыць культурны феномен у падтрымку ідэі асобнага сібірскага (сібірска-чалдонскага) народу. Пры распрацоўцы яны выкарыстоўвалі гаворкі паўночнарускага дыялекту, вядомага з IX стагоддзя[2].
У англійскай Вікіпедыі існаванне сібірскай мовы не было пацверджана аўтарытэтнымі крыніцамі[3]. Стваральнікаў штучнай мовы абвінавачвалі ў сепаратызме[4].
Гісторыя[правіць | правіць зыходнік]
8 кастрычніка 2006 года колькасць артыкулаў складала каля 6400. Да 2007 года раздзел выйшаў на 66-е месца ў спісе Вікіпедый з 6924 артыкуламі, такім чынам апярэджваючы некаторыя жывыя мовы: афрыкаанс, узбекскую, беларускую і г. д.
Тым не менш, 5100 артыкулаў былі пустыя: пра гады з 2999 г. да н. э. па 2100 г. н. э. Таксама было 162 артыкулы пра дзесяцігоддзі (у большасці пустых, альбо з паведамленнем: Чо было в ети годы, нам неведомо), 370 пустых артыкулаў пра дні. Яшчэ 251 артыкул быў напалову пусты і паведамляў аб нацыянальных даменах верхняга ўзроўню. Такім чынам, колькасць «сапраўдных» артыкулаў у раздзеле на сібірскай мове не перавышала 1200.
У артыкулах скажалася інфармацыя; напрыклад, былі згадкі, што для вядомых рускамоўных пісьменнікаў руская мова не была роднай: «На россейским говоре писавшы баюны Россейской анперии, сгонодоблены со всех народов: татарин Тургенев, украинец Чехов, поляк Достоевской, жыды Ильф и Петров, личнось неврубной народноси Пушкин, и никому-то из них етот мажной говор не был родимым. Ить весь руской народ обнакновенно лекотал дружно»[5]
Раздзел быў закрыты 19 верасня 2007 года.
Крыніцы[правіць | правіць зыходнік]
- ↑ Википедия открыла раздел на сибирском языке // TomskNews.com.
- ↑ Анисимова А. А., Ечевская О. Г. Сибирская идентичность Архівавана 10 верасня 2016. (рус.). — Новосибирский государственный университет, 2012. — С. 19. — 176 с. — ISBN 978-5-4437-0094-6.
- ↑ Wikipedia:Articles for deletion/Siberian language (англ.)
- ↑ Михаил Казиник, Дмитрий Ткачёв. Пятиминутный путеводитель по сибирскому сепаратизму Архівавана 13 лістапада 2014. // Esquire. — 25.10.2011. — № 71.
- ↑ Россейской говор