Сімфанічны аркестр — вялікі калектыў інструменталістаў для выканання акадэмічнай музыкі пераважна заходнееўрапейскай традыцыі. Склаўся (колькасць удзельнікаў, склад інструментаў) у эпоху ранняй венскай класікі ў сувязі з з'яўленнем новага буйнога жанру — класічнай сімфоніі (адсюль спецыфічная назва). Пазней «сімфанічнай» стала называцца наогул ўся музыка для дадзенага інструментальнага складу — у тым ліку і створаная кампазітарамі сусветных нацыянальных школ.
