ФК Асасуна

Асасуна
Поўная назва	Club Atlético Osasuna
Заснаваны	1920
Горад	Памплона, Іспанія
Стадыён	Эль-Садар Умяшчальнасць: 18 761
Галоўны трэнер	Петар Васілевіч
Чэмпіянат	Сегунда
2016/17	▼ 19 месца ў Ла Лізе
Асноўная форма Гасцявая форма Рэзервовая форма

«Асасу́на» (ісп.: Club Atlético Osasuna) — іспанскі футбольны клуб з горада Памплона, што размяшчаецца ў аўтаномным краі Навара. У перакладзе з баскскай мовы назва клуба азначае «здароўе». Заснаваны ў 1920 годзе. Найвышэйшыя дасягненні — чацвёртае месца ў Ла Лізе (1991 і 2006). Хатнія гульні праводзіць на стадыёне «Эль-Садар», які здольны ўмясціць 18 761 чалавека.

Гісторыя

Заснаваны ў 1920 годзе клуб «Асасуна» ўпершыню выйшаў у Сегунду ў 1932 годзе, а праз тры гады быў класіфікаваны ў Ла Лігу. Скончыўшы сезон 1984/85 на шостым месцы ў чэмпіянаце, клуб атрымаў права на ўдзел у кубку УЕФА, адкуль выбыў у другім крузе.

Наступны ўзлёт каманды прыйшоўся на сезон 1990/91, калі «Асасуна» заняла чацвёртае месца ў чэмпіянаце і заваявала права на ўдзел у кубку УЕФА, дзе дайшла да трэцяга кругу. Аднак па выніках сезону 1993/94 клуб пакінуў Ла Лігу і правёў шэсць сезонаў у Сегундзе. У сезоне 2004/05 клуб дайшоў да фіналу Кубка Іспаніі, дзе саступіў «Бетысу».

У сезоне 2005/06 каманда фінішавала чацвёртай у чэмпіянаце, такім чынам, паўтарыўшы сваё найвышэйшае дасягненне ў чэмпіянаце Іспаніі, і атрымала права прыняць удзел у Лізе чэмпіёнаў, стартаваўшы з трэцяга класіфікацыйнага раўнда. Аднак прабіцца ў групавы этап не атрымалася, і клуб быў вымушаны здавольвацца ўдзелам у Кубку УЕФА, пяты раз у сваёй гісторыі. Стартаваўшы з групавога этапу, клуб выйшаў у плэй-оф, дзе дайшоў да паўфіналу, у якім саступіў будучаму пераможцу — «Севільі».

Пасля гэтых поспехаў клуб размяшчаецца ў ніжняй частцы табліцы і ў асноўным вядзе барацьбу за выжыванне. У сезоне 2008/09 клуб здолеў пазбегнуць вылету з Лігі толькі ў апошнім туры, знаходзячыся на 18 месцы ў табліцы і прымаючы дома «Рэал Мадрыд». На працягу матчу памплонцы саступалі з лікам 0:1, але ўсё ж такі перамаглі з канчатковым лікам 2:1.

Склад

Станам на студзень 2018 года.

№ Пазіцыя Імя Год нараджэння 1 Бр Серхіа Эрэра 1993 2 Аб Хаўер Фланья 1984 3 Аб Тана Банін 1990 4 Аб Мігель Фланья 1984 6 ПА Оіер Санхурха 1986 7 Нап Давід Радрыгес 1986 8 ПА Фран Мерыда 1990 9 Нап Кіке Гансалес 1990 10 ПА Раберта Торэс 1989 11 Аб Карлас Клерк 1992 12 ПА Роберт Ібаньес 1993 13 Бр Ману Эрэра 1981 15 Аб Унаі Гарсія 1992

№ Пазіцыя Імя Год нараджэння 16 ПА Мігель Дыяс 1994 17 Нап Хіска 1986 18 Аб Лілья 1992 19 ПА Борха Ласа 1994 20 ПА Мігель дэ лас Куэвас 1986 21 ПА Хаакін Арсура 1993 22 ПА Себас Корыс 1993 23 Аб Арыданэ Эрнандэс 1989 24 ПА Лукас Таро 1994 28 ПА Луіс Перэа 1997 30 ПА Кіке Барха 1997 36 ПА Антоніа Атэгі 1998

Спасылкі

• На Вікісховішчы ёсць медыяфайлы па тэме ФК Асасуна
• Афіцыйны сайт клуба
• Клубныя навіны