Хрызаліт

Хрызаліт
Аграненыя хрызаліты
Формула	(Mg,Fe)2SiO4
Колер	залаціста-зялёны розных адценняў
Цвёрдасць	6,5—7
Шчыльнасць	3,2—4,3 г/см³
Паказчык пераламлення	1,64—1,70

Хрызалі́т (ад стар.-грэч. χρυσός — золата і λίθος — камень) — мінерал, празрыстая ювелірная разнавіднасць мінерала алівіна падкласа астраўных сілікатаў, ад жоўта-зялёнага колеру да колеру цёмны шартроз, з характэрным залацістым адценнем. Адносіцца да каштоўных камянёў.

Склад і паходжанне

Ортасілікат жалеза-магнію (Mg,Fe)₂SiO₄. Утварае кароткаслупчатыя і прызматычныя крышталі, звычайна увянчаныя пірамідальнай галоўкай. Крохкі. Добра раствараецца ў кіслотах.

Ювеліры часта называюць яго па-французску — перыдот.

Літаратура

• Хрызалі́т // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 66. — 10 000 экз. — ISBN 985-11-0035-8. — ISBN 985-11-0279-2 (т. 17).
• Хризоли́т // Т. 28. Франкфурт — Чага. — М. : Советская энциклопедия, 1978. — С. 382. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)

Спасылкі

• Каталог минералов (руск.)