Цімафей Мікалаевіч Сяргейчык

Цімафей Мікалаевіч Сяргейчык
Мемарыяльная дошка ў Віцебску
Дата нараджэння	20 чэрвеня 1899(1899-06-20)
Месца нараджэння	вёска Заполле, Глускі раён
Дата смерці	27 мая 1977(1977-05-27) (77 гадоў)
Месца смерці	Мінск, БССР, СССР
Месца пахавання	Паўночныя могілкі (Мінск)
Грамадзянства	СССР
Прафесія	тэатральны акцёр і рэжысёр
Тэатр	Нацыянальны акадэмічны драматычны тэатр імя Якуба Коласа
Узнагароды	Народны артыст Беларускай ССР ганаровы грамадзянін горада Віцебска

Цімафей Мікалаевіч Сяргейчык (20 чэрвеня 1899, вёска Заполле, Глускі раён, Магілёўская вобласць — 27 мая 1977) — беларускі тэатральны акцёр і рэжысёр. Народны артыст БССР (1944). Лаўрэат Сталінскай прэміі другой ступені (1946).

Біяграфія

Ц.М. Сяргейчык нарадзіўся 26 чэрвеня (8 ліпеня) 1899 ў в Заполле (цяпер Глускага раёна Магілёўскай вобласці) у беднай сялянскай сям'і.

У 1919 годзе ўступіў у РСЧА, удзельнічаў у працы чырвонаармейскай мастацкай самадзейнасці (1919—1923).

У 1926 годзе скончыў Беларускую мастацкую студыю пры МХАТ, стаў працаваць у Віцебскім драматычным тэатры імя Якуба Коласа.

Аўтар кнігі ўспамінаў «Нататкі акцёра» (1966).

Ц.М. Сяргейчык памёр 27 мая 1977 года. Пахаваны на Паўночных могілках Мінска.

Ролі ў тэатры

• «Несцерка» В. Ф. Вольскага — Самахвальскі
• «Вайна вайне» Я. Коласа — дзед Мікіта
• «У пушчах Палесся» Я. Коласа — Саўка Мільгун
• «Ірынка» К. Чорнага — Мікіта Міхалковіч
• «Людзі і д'яблы» К. Крапівы — Барута
• «Рэвізор» Н. В. Гогаля — Восіп
• «Тры сястры» А. П. Чэхава — Фёдар Ільіч Кулыгін
• «Каварства і любоў» Ф. Шылера — Мілер
• «Разлом» Б. А. Лаўранёва — Яўген Іванавіч Берсенеў
• «Любоў яравая» К. А. Тренева — прафесар Максім Гарнастаеў
• «На Дне» М.Горкага — Лука

Літаратура

• Цімафей Мікалаевіч Сяргейчык // Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — С. 354. — 552 с. — 10 000 экз. — ISBN 985-11-0251-2 (Т. 15).