Цімафей Мікалаевіч Сяргейчык

Цімафей Мікалаевіч Сяргейчык
Дата нараджэння	8 (20) ліпеня 1899
Месца нараджэння	Заполле, Бабруйскі павет, Мінская губерня, Расійская імперыя
Дата смерці	27 мая 1977(1977-05-27) (77 гадоў)
Месца смерці	Мінск, БССР, СССР
Месца пахавання	Паўночныя могілкі
Грамадзянства	Расійская імперыя  СССР
Прафесія	акцёр, тэатральны рэжысёр
Тэатр	Нацыянальны акадэмічны драматычны тэатр імя Якуба Коласа
Прэміі
Узнагароды	ганаровы грамадзянін горада Віцебска

Цімафей Мікалаевіч Сярге́йчык (20 чэрвеня 1899, вёска Заполле, Глускі раён, Магілёўская вобласць — 27 мая 1977) — беларускі тэатральны акцёр і рэжысёр. Народны артыст БССР (1944). Лаўрэат Сталінскай прэміі другой ступені (1946).

Біяграфія

Ц. М. Сяргейчык нарадзіўся 26 чэрвеня (8 ліпеня) 1899 года ў вёсцы Заполле (цяпер Глускага раёна Магілёўскай вобласці) у беднай сялянскай сям’і.

У 1919 годзе ўступіў у РСЧА, удзельнічаў у працы чырвонаармейскай мастацкай самадзейнасці (1919—1923).

У 1926 годзе скончыў Беларускую мастацкую студыю пры МХАТ, стаў працаваць у Віцебскім драматычным тэатры імя Якуба Коласа.

Аўтар кнігі ўспамінаў «Нататкі акцёра» (1966).

Ц. М. Сяргейчык памёр 27 мая 1977 года. Пахаваны на Паўночных могілках Мінска.

Ролі ў тэатры

• «Несцерка» В. Вольскага — Самахвальскі
• «Вайна вайне» Я. Коласа — дзед Мікіта
• «У пушчах Палесся» Я. Коласа — Саўка Мільгун
• «Ірынка» К. Чорнага — Мікіта Міхалковіч
• «Людзі і д’яблы» К. Крапівы — Барута
• «Рэвізор» М. Гогаля — Восіп
• «Тры сястры» А. Чэхава — Фёдар Ільіч Кулыгін
• «Каварства і любоў» Ф. Шылера — Мілер
• «Разлом» Б. А. Лаўранёва — Яўген Іванавіч Берсенеў
• «Любоў яравая» К. А. Трэнёва — прафесар Максім Гарнастаеў
• «На Дне» М. Горкага — Лука

Рэжысёрскія працы

• «Пінская шляхта» В. Дуніна-Марцінкевіча (1928)
• «Дзеці Ванюшына» С. Найдзёнава (1938
• «Ірынка», «Блудны сын» Э. Ранета (1958)

Літаратура

• Няфёд У. І. Сярге́йчык Цімафей Мікалаевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 354. — 10 000 экз. — ISBN 985-11-0035-8. — ISBN 985-11-0251-2 (т. 15).
• Люд. Ш. Серге́йчик Тимофей Николаевич // Театральная энциклопедия. В 5 томах. / Под редакцией С. С. Мокульского (том 1), П. А. Маркова (тома 2—5). — М., Советская энциклопедия, 1961—1967. — Т. 4: Нежин — Сярев. — М., 1965. — Стб. 916. — 1152 стб. с илл., 6 л. илл. — 40 500 экз. (руск.)

Спасылкі

• Цімох Сяргейчык — выдатны дзеяч коласаўскай сцэны // Нацыянальны акадэмічны драматычны тэатр імя Якуба Коласа