Эдвард Жалігоўскі

Эдвард Жалігоўскі
Асабістыя звесткі
Дата нараджэння	20 ліпеня 1816(1816-07-20)
Месца нараджэння	Вілейскі павет, Мінская губерня, Расійская імперыя
Дата смерці	28 снежня 1864(1864-12-28) (48 гадоў)
Месца смерці	Жэнева, Жэнева, Швейцарыя
Грамадзянства	Расійская імперыя
Альма-матар	Імператарскі Дэрпцкі ўніверсітэт
Прафесійная дзейнасць
Род дзейнасці	паэт
Мова твораў	польская
Медыяфайлы на Вікісховішчы

Эдвард Вітальд Жалігоўскі, псеўданімы Antoni Sowa (Антоні Сава́), Autor «Jordanu», Onegdajski (20 ліпеня 1816, фальварак Мар’ямпаль Вілейскага павета Мінскай губерні, цяпер мясцовасць паблізу Карэкаўцаў Вілейскага раёна Мінскай вобласці — 28 снежня 1864, Жэнева, Швейцарыя) — польскі паэт, філосаф, грамадскі дзеяч.

Жыццяпіс

У 1833—1836 гадах вучыўся ў Дэрпцкім універсітэце. У 1838 годзе арыштаваны за ўдзел у падрыхтоўцы паўстання пад кіраўніцтвам Шымана Канарскага; інтэрніраваны.

У 1842 годзе вярнуўся на Радзіму. У 1851 годзе зноў арыштаваны і сасланы ў Петразаводск, потым у Арэнбург. Пасябраваў і падтрымліваў сувязі з Тарасам Шаўчэнкам, прысвяціў яму верш «Да народнага паэта».

З 1858 года жыў у Санкт-Пецярбургу. Дапамагаў Іасафату Агрызку выдаваць газету «Slowo». Апублікаваў зборнікі «Poezye», «Dziś i wczoraj», драму «Jordan».

У 1860 годзе выехаў у Еўропу. Супрацоўнічаў у польскім эмігранцкім друку. Пераклаў на польскую мову творы Аляксандра Пушкіна і Генрыха Гейнэ. Апошнія гады жыў у Жэневе.

Ушанаванне памяці

У вёсцы Карэкаўцы Вілейскага раёна 20 верасня 2009 года адкрыты памятны знак сяброўству Эдварда Жалігоўскага і Тараса Шаўчэнкі..

Літаратура

• Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.