Этгар Керэт

З пляцоўкі Вікіпедыя
Jump to navigation Jump to search
Этгар Керэт
Etgar-keret-photo-by-moti-kikayon.jpg
Асабістыя звесткі
Дата нараджэння: 20 жніўня 1967(1967-08-20)[1][2][3] (51 год)
Месца нараджэння:
Грамадзянства:
Жонка: Шыра Гефен[d]
Альма-матар:
Месца працы:
Прафесійная дзейнасць
Род дзейнасці: пісьменнік, сцэнарыст, драматург, педагог, кінарэжысёр, паэт, акцёр
Валодае мовамі: іўрыт[6]
Узнагароды:
кавалер Ордэна Мастацтваў і літаратуры
Подпіс: Etgar Autograph.png
etgarkeret.com
Commons-logo.svg Выявы на Вікісховішчы

Этгар Керэт (іўр.: אתגר קרת; нар. 20 жніўня 1967, Рамат-Ган) — ізраільскі пісьменнік, сцэнарыст і драматург. Піша на іўрыце.

Біяграфія[правіць | правіць зыходнік]

Нарадзіўся і вырас у Рамат-Гане, Ізраіль у сям'і Эфраіма і Арэны Керэт, польскіх яўрэяў, якія перажылі Халакост. Жыве ў Тэль-Авіве. Жанаты з актрысай Шырай Гефен, мае сына. Выкладае ў Тэль-Авіўскім універсітэце і ўніверсітэце Бэн-Гурыёна.

Лаўрэат прэміі прэм'ер-міністра Ізраіля (1998), кавалер французскага ордэна мастацтваў і літаратуры (2010). У красавіку 2016 года наведаў Мінск, выступаў перад беларускімі чытачамі[7].

Творчасць[правіць | правіць зыходнік]

Літаратура[правіць | правіць зыходнік]

Аўтограф Керэта, дадзены на з'ездзе пісьменнікаў у Іерусаліме, 2010.

Творчасць Этгара Керэта характарызуюць як постмадэрнісцкую, часта заснаваную на абсурдзе і іроніі. Яго мова простая, блізкая да гутарковай, не цураецца слэнгу. Асноўны жанр — кароткае апавяданне. Характэрная пазіцыя апавядальніка — пазіцыя старонняга назіральніка, наіўнага дзіцяці, няўдачніка. Свет яго твораў часта адначасова фантастычны і паўсядзённа-банальны. Этгар Керэт паўплываў на творчасць маладзейшых ізраільскіх пісьменнікаў. Дзякуючы яму ўзрасла папулярнасць жанру апавядання ў ізраільскай літаратуры.

Паводле беларускай літаратурнай аглядальніцы Насты Грышчук, «у прозе Керэта смех не з’яўляецца самамэтай. Для яго іронія і самаіронія (другой, здаецца, нават больш) з’яўляюцца адначасова і падмуркам, і шчытом [...] Гатоўнасць (аўта)героя Этгара Керэта сустрэць усякае выпрабаванне з усмешкай нагадвае нашага Несцерку»[8].

Першая кніга Этгара Керэта, «Трубы», выйшла ў 1992 годзе. Агулам у Этгара Керэта выйшла 4 зборнікі апавяданняў, 2 кнігі коміксаў і кніга для дзяцей. Яго апавяданне «Сірэна» уключана ў абавязковую праграму па літаратуры. Ізраільская газета «Едыёт Ахранот» назвала кнігу Керэта «Туга па Кісінджэры» ў ліку пяцідзесяці найзначнейшых твораў ізраільскай іўрыцкай літаратуры. Творы Керэта перакладаліся на англійскую, іспанскую, беларускую і звыш 30 іншых моў[9].

Кіно, тэлебачанне, тэатр[правіць | правіць зыходнік]

У 1993 годзе Этгар Керэт атрымаў першы прыз на тэатральным фестывалі ў Ака за мюзікл «Аперацыя Энтэбе». Ён напісаў сцэнарыі для некалькіх сезонаў сатырычнай тэлеперадачы «Камерны квінтэт» і шмат кароткаметражных фільмаў. Адзін з іх, «Каралева Чарвякоў» (Skin Deep, 1996) атрымаў прыз Ізраільскай кінаакадэміі і заваяваў першае месца на Мюнхенскім фестывалі школ кіно. Па апавяданні Керэта знята чорная рамантычная камедыя «Самазабойцы: Гісторыя кахання»[10] (2006), якая заваявала 9 узнагарод на розных кінафестывалях. У 2007 годзе Керэт разам з жонкай паставіў фільм «Медузы»[11], які атрымаў «Залатую Камеру» на Канскім кінафестывалі. У 2009 годзе выйшаў ізраільска-аўстралійскі поўнаметражны мультфільм «9,99$»[12] па сцэнарыі Керэта.

Беларускія пераклады[правіць | правіць зыходнік]

Паасобныя творы перакладалі П. Касцюкевіч, В. Рубінчык і С. Шупа.

  • Керэт Э. Вожык, які хацеў абрабаваць банк: (апавяданне) / Пер. з іўрыту П. Касцюкевіча // «Мы яшчэ тут!» Вып. XXI, верас. 2006.
  • Керэт Э. Кіроўца аўтобуса, які хацеў стаць Богам / Пер. з іўрыту П. Касцюкевіча. — Мінск, 2007.
  • Керэт Э. Раптам стук у дзверы / Пер. з іўрыту П. Касцюкевіча і С. Шупы. — Логвінаў, 2016. — 224 с.
    • «Дзеяслоў» № 1(86), 2017.
  • Керэт Э. Сем добрых гадоў / Пер. з іўрыту С. Шупы. — Вільня: Logvino Literatūros namai, 2016. — 232 с. — ISBN 978-609-8147-55-1
  • Керэт Э. Радасныя дні народзінаў: (апавяданне) / Пер. з іўрыта В. Рубінчыка — Эл.версія: [1]

Зноскі

  1. Person Profile // Internet Movie Database — 1990. Праверана 15 кастрычніка 2015.
  2. Etgar Keret // Internet Speculative Fiction Database — 1995. Праверана 9 кастрычніка 2017.
  3. Etgar Keret // filmportal.de — 2005. Праверана 9 кастрычніка 2017.
  4. (unspecified title) Праверана 3 ліпеня 2019.
  5. (unspecified title) Праверана 8 ліпеня 2019.
  6. data.bnf.fr: платформа адкрытых дадзеных — 2011. Праверана 10 кастрычніка 2015.
  7. http://belisrael.info/?p=10378&
  8. http://zviazda.by/be/news/20160605/1465118560-boyki-alavyany-saldacik
  9. Старонка аўтара на сайце Institute for the Translation of Hebrew Literature (англ.) 
  10. «Самазабойцы: Гісторыя кахання» на IMDB (англ.) 
  11. «Медузы» на IMDB (англ.) 
  12. «9.99$» на IMDB (англ.) 

Спасылкі[правіць | правіць зыходнік]