Юрый Ігаравіч Гумянюк

З пляцоўкі Вікіпедыя
Перайсці да: рух, знайсці
Юрый Ігаравіч Гумянюк
Juryj Humianiuk w Warszawie 4.jpg
Асабістыя звесткі
Дата нараджэння:

24 верасня 1969(1969-09-24)

Месца нараджэння:

Гродна, Гродзенская вобласць, БССР, СССР

Дата смерці:

19 студзеня 2013(2013-01-19) (43 гады)

Месца смерці:

Гродна, Гродзенская вобласць, Беларусь

Грамадзянства:

Flag of Belarus.svg Беларусь

Альма-матар:

Гродзенскі дзяржаўны ўніверсітэт імя Янкі Купалы

Літаратурная дзейнасць
Род дзейнасці:

пісьменнік, паэт, журналіст

Commons-logo.svg Выявы на Вікісховішчы

Юрый Ігаравіч Гумянюк (24 верасня 1969, Гродна19 студзеня 2013, Гродна) — беларускі паэт, празаік, журналіст.

Біяграфія[правіць | правіць зыходнік]

Скончыў Гродзенскі дзяржаўны ўніверсітэт імя Янкі Купалы, аддзяленне паланістыкі (1994), вучыўся ў аспірантуры пры ім. На гродзенскім абласным радыё рыхтаваў літаратурна-мастацкі радыёчасопіс «Кантэкст» (1991–1994). Працаваў журналістам у газетах «Пагоня» (1992, 1995–2001) і «День» (2004), Працаваў загадчыкам літаратурнай часткі Гродзенскага тэатра лялек (1994–2000). З 2002 года — публіцыст беластоцкага месячніка «Czasopis». Працаваў для Беларускай службы Польскага радыё для Замежжа і для польскага беларускамоўнага Радыё Рацыя. Жыў у Гродне. Загінуў пры невысветленых абставінах, выпаў з 9 паверха гродзенскага інтэрната па вул. Сухамбаева, размешчанага побач з яго домам.

Творчасць[правіць | правіць зыходнік]

Аўтар кніг паэзіі: «Водар цела» (Полацк, 1992), «Твар Тутанхамона» (Полацк, 1994), «Рытуал» (Полацк, 1999), «Вуліца тыгровых архідэй. Вершы 1987-2002» (Беласток, 2003).

Аўтар няскончанага рамана «Апосталы нірваны» (кн. першая 1995( надрукавана ў «Калосьсе», № 2 – 3, 1995); п'ес для дзяцей «Баль у барона Мюнхаўзена» (1993), «Таямніца залатога пярсьцёнку» (1998), «Каляднае падарожжа» (1999), пастаўленых у Гродзенскім тэатры лялек; дакументальнай сагі «Прывід даўніх Крэсаў» (2004–2005); шэрагу крытычных артыкулаў пра літаратуру, выяўленчае мастацтва і тэатр. Сурэдактар літаратурна-мастацкага альманаха «Калоссе».

Беларускія рок-гурты «Грунвальд», «Айша» (Jungle X-mas), а таксама асобныя выканаўцы стварылі на тэксты Юрыя Гуменюка каля двух дзясяткаў песень.

У творчасці Гумянюка можна знайсці вершы гомаэратычнага характару, між іншым Ружавокі дракон апублікаваны ў зборніку Кола, выдадзеным у Гродна ў 1993 гадзе[1].

Прызнанне[правіць | правіць зыходнік]

Зноскі

  1. Валодзін У. Квір-гісторыя Беларусі другой паловы ХХ стагоддзя: спроба набліжэння — Мінск, 2016. — С. 63.

Літаратура[правіць | правіць зыходнік]