Язёры
Аграгарадок
Язёры
Язёры на карце Беларусі ±   |
Язёры[1] (трансліт.: Jaziory, руск.: Езёры) — аграгарадок у Чэрыкаўскім раёне Магілёўскай вобласці. Адміністрацыйны цэнтр Язёрскага сельсавета. За 8 кіламетраў на захад ад горада Чэрыкаў, 100 кіламетраў ад Магілёва, 35 кіламетраў ад чыгуначнай станцыі Верамейкі, каля аўтадарогі Слаўгарад-Крычаў (3 км).
Гісторыя
[правіць | правіць зыходнік]Згадваюцца ў 1693 годзе, калі дэкрэтам Задворнага асэсарскага суда ў Варшаве тагачаснаму чэрыкаўскаму войту, старадубаўскаму войскаму Яну-Міхалу Шаблоўскаму, была вынесеная вечная баніцыя, у выніку чаго ён быў пазбаўлены правоў на карыстанне каралеўскімі маёнткамі, у тым ліку, Язёрамі, якія былі перададзеныя ў пасэсію прапойскаму старосьце, смаленскаму харунжаму Базылю з Красіна Красінскаму[2].
7 верасня 1904 года ў маёнтку Язёры князя А. А. Абаленскага пажарам знішчаны двухпавярховы мураваны вінакурны завод з усімі апаратамі, посудам і кантрольным снарадам, а таксама скотны двор і 53 авечкі[3].
У 1916 годзе Язёрскі маёнтак быў прададзены з аўкцыёну за даўгі[4].
Да 18 лютага 1972 года вёска ўваходзіла ў склад Сормаўскага сельсавета[5].
Насельніцтва
[правіць | правіць зыходнік]- 758 жыхароў, 264 двары (2003)
Інфраструктура
[правіць | правіць зыходнік]- Сярэдняя школа і дзіцячы сад
- Дом культуры
- Аддзяленне сувязі
Памятныя мясціны
[правіць | правіць зыходнік]- Помнік землякам, якія загінулі ў Вялікую Айчынную вайну.
Зноскі
- ↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU). Сустракаецца таксама варыянт Азёры
- ↑ НГАБ у Мінску, ф. 1736, воп. 1, спр. 2, с. 545
- ↑ Памятная книжка Могилевской губернии на 1905 год (руск.)
- ↑ Езеры Архівавана 20 снежня 2018. (руск.)
- ↑ Рашэнне выканаўчага камітэта Магілёўскага абласнога Савета дэпутатаў працоўных ад 18 лютага 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 8 (1346).
Літаратура
[правіць | правіць зыходнік]- Беларуская энцыклапедыя: У 18 т. Т.18 Кн.1: Дадатак: Шчытнікі — ЯЯ / Рэдкал.: Г. П. Пашкоў і інш. — Мн.: БелЭн, 2004. — Т. 18. — 472 с. — 10 000 экз. — ISBN 985-11-0295-4.
Спасылкі
[правіць | правіць зыходнік]Езеры Архівавана 20 снежня 2018. (руск.)
