Ян Маджарскі

З пляцоўкі Вікіпедыя
Jump to navigation Jump to search
Ян Маджарскі
Род дзейнасці ткач, рамеснік, тэкстыльны дызайнер
Дата нараджэння XVIII стагоддзе
Месца нараджэння
Дата смерці 1800 ці 1801
Месца смерці
Месца пахавання
Дзеці Лявон Маджарскі

Ян Маджарскі (Аванес Маджаранц) (пачатак XVIII стагоддзя, Стамбул або Сяміграддзе — 1800 або 1801, Слуцк) — ткач, мастак, кіраўнік і арандатар Слуцкай мануфактуры шаўковых паясоў[1].

Біяграфія[правіць | правіць зыходнік]

Нарадзіўся ў Стамбуле або Сяміграддзі ў сям’і венгра па імені Нума (Міхала[2]) і армянкі[1]. Бацька служыў у аўстрыйскім войску і патрапіў у турэцкі палон[2].

Ткацкаму рамяству навучаўся ў Стамбуле. У 1740-х вырабляў паясы на мануфактуры князёў Патоцкіх у Станіславе. У 1758 годзе быў запрошаны ваяводам віленскім Міхалам Казімірам Радзівілам (Рыбанькам) у Нясвіж, потым працаваў у Слуцку, дзе кіраваў мануфактурай шаўковых паясоў (персіярняй)[1]. Бурлівая дзейнасць слуцкай персіярні прыносіла Маджарскаму вялікі прыбытак. Ён набыў за 30 тысяч злотых фальварак Сёлка (які цяпер ўвайшоў у паўночныя гарадскія межы Слуцка), а потым нават змог дамовіцца з сынам аб арэндзе фабрыкі[3] ў 1776—1780 гадах[1].

Памёр у Слуцку ў 1800 або ў 1801 годзе і, як сцвярджаюць біёграфы, быў пахаваны ў тамтэйшых бернардзінаў[3].

Творчасць[правіць | правіць зыходнік]

Распрацаваў кампазіцыйную структуру, віды паясоў (двухбаковыя, чатырохчастковыя) і асноўныя тыпы дэкору паясоў[1].

Сям’я[правіць | правіць зыходнік]

З жонкай Армінэ (магчыма, яе імя Разалія[2]) мелі сына Лявона і некалькі дачок[4].

Зноскі

  1. 1,0 1,1 1,2 1,3 1,4 Лазука, Б. А. Слуцкія паясы і еўрапейскі тэкстыль XVIII. Малы лексікон / Б. А. Лазука. — Мінск: Беларусь, 2015. — 170 с. ISBN 978-985-01-1080-0. С. 126.
  2. 2,0 2,1 2,2 Зміцер Юркевіч. Дакументальныя крыніцы да радаводу Станіслава Манюшкі
  3. 3,0 3,1 Зміцер Юркевіч. Таямніцы Манюшкаў. Частка XVI. Маджарскія. № 31 (1470) 01.08.2020 — 08.08.2020 г
  4. Лазука, Б. А. Слуцкія паясы і еўрапейскі тэкстыль XVIII. Малы лексікон / Б. А. Лазука. — Мінск: Беларусь, 2015. — 170 с. ISBN 978-985-01-1080-0. С. 23.