Ян Маджарскі

З пляцоўкі Вікіпедыя
Jump to navigation Jump to search
Ян Маджарскі
Род дзейнасці ткач, рамеснік, тэкстыльны дызайнер
Дата нараджэння XVIII стагоддзе
Месца нараджэння
Дата смерці 1800 ці 1801
Дзеці Лявон Маджарскі

Ян Маджарскі (Аванес Маджаранц) (пачатак XVIII стагоддзя, Стамбул або Сяміграддзе — 1800 або 1801) — ткач, мастак, кіраўнік і арандатар Слуцкай мануфактуры шаўковых паясоў[1].

Біяграфія[правіць | правіць зыходнік]

Нарадзіўся ў Стамбуле або Сяміграддзі ў сям’і венгра па імені Нума і армянкі[1].

Ткацкаму рамяству навучаўся ў Стамбуле. У 1740-х вырабляў паясы на мануфактуры князёў Патоцкіх у Станіславе. У 1758 годзе быў запрошаны ваяводам віленскім Міхалам Казімірам Радзівілам (Рыбанькам) у Нясвіж, потым працаваў у Слуцку, дзе кіраваў мануфактурай шаўковых паясоў (персіярняй). У 1776—1780 гадах арандатар мануфактуры[1].

Распрацаваў кампазіцыйную структуру, віды паясоў (двухбаковыя, чатырохчастковыя) і асноўныя тыпы дэкору паясоў[1].

Сям’я[правіць | правіць зыходнік]

З жонкай Армінэ мелі сына Лявона і некалькі дачок[2].

Зноскі

  1. 1,0 1,1 1,2 1,3 Лазука, Б. А. Слуцкія паясы і еўрапейскі тэкстыль XVIII. Малы лексікон / Б. А. Лазука. — Мінск: Беларусь, 2015. — 170 с. ISBN 978-985-01-1080-0. С. 126.
  2. Лазука, Б. А. Слуцкія паясы і еўрапейскі тэкстыль XVIII. Малы лексікон / Б. А. Лазука. — Мінск: Беларусь, 2015. — 170 с. ISBN 978-985-01-1080-0. С. 23.