Яўген Рыгоравіч Лецка

Яўген Рыгоравіч Лецка
Яўген Рыгоравіч Лецка
Асабістыя звесткі
Дата нараджэння	20 красавіка 1944 (80 гадоў)
Месца нараджэння	Пабрэззе, Нягневіцкі сельсавет, Любчанскі раён, Баранавіцкая вобласць, БССР, СССР;
Грамадзянства	СССР; Беларусь;
Альма-матар	філалагічны факультэт БДУ (1968);
Месца працы	Інстытут літаратуразнаўства НАНБ; Мастацкая літаратура;
Прафесійная дзейнасць
Род дзейнасці	літаратуразнавец, перакладчык, пісьменнік
Мова твораў	беларуская
Грамадская дзейнасць
Член у	ЗБС Бацькаўшчына;

Яўген Рыгоравіч Лецка (нар. 20 красавіка 1944, в. Пабрэззе, Навагрудскі раён, Гродзенская вобласць) — беларускі пісьменнік, крытык, літаратуразнавец. Кандыдат філалагічных навук (1980).

Біяграфія

Скончыў БДУ (1968). Працаваў на заводзе, настаўнікам, карэспандэнтам радыёвяшчання. 3 1971 у Інстытуце літаратуры АН Беларусі, з 1986 у выдавецтве «Мастацкая літаратура», з 1997 дырэктар выдавецтва «Бацькаўшчына».

Друкуецца з 1968. Даследуе мастацкую адметнасць, стыль сучасных беларускіх празаікаў, узаемадзеянне літаратуры і чытача (зборнік «Выхаваўчая роля літаратуры», 1980). У аповесцях «Па цаліку» (1977), «Дарога ў два канцы» (1981) выяўляецца псіхалагізм, выразнасць малюнка характараў, добрае адчуванне мовы. Складальнік літаратуразнаўчага зборніка «Вобраз» (1981), зборнікаў апавяданняў маладых беларускіх пісьменнікаў «Цяпло на першацвет» (1985), «Акно ў зялёны сад» (1988), кніг твораў М. Дзяшкевіча (1991), Л. Калюгі (1992), А. Мрыя (1993) і інш.

Старшыня Аргкамітэта (1989-90) і Рады (1990-93) Згуртавання беларусаў свету «Бацькаўшчына».

Бібліяграфія

Беларуская літаратура за гады савецкай улады. Мн., 1973;
Вялікая Айчынная вайна ў беларускай прозе. Мн., 1979;
Хараство і боль жыцця: Нарыс творчасці Вячаслава Адамчыка. Мн., 1985.