Яўстафій Яўстаф’евіч Леановіч

Яўстафій Яўстаф’евіч Леановіч
Яўстафій Яўстаф’евіч Леановіч
Дата нараджэння	16 чэрвеня 1936 (87 гадоў)
Месца нараджэння	Камяніца, Крэўскі сельсавет, Смаргонскі раён, Беларусь;
Альма-матар	Маскоўскі архітэктурны інстытут (1966);
Месца працы	Бранскграмадзянпраект[d]; Белпрампраект; Мінскметрапраект[d];
Прэміі
Узнагароды

Яўстафій Яўстаф’евіч Леановіч (нар. 16 чэрвеня 1936, в. Камяніца, цяпер Смаргонскі раён) — беларускі архітэктар, аўтар праектаў шматлікіх станцый метрапалітэна.

Біяграфія[правіць | правіць зыходнік]

Скончыў Маскоўскі архітэктурны інстытут у 1966 годзе. У 1956—1959 гадах працаваў у будаўніча-мантажным упраўленні г. Вэнтспілс (Латвія), у 1966—1969 гадах старшы архітэктар інстытута «Бранскграмадзянпраект» (г. Бранск, Расія). З 1969 года ў Мінску ў інстытуце «Белпрампраект», у 1977—1998 гадах галоўны архітэктар мінскага філіяла маскоўскага інстытута «Метрадзіпратранс».

Пражываў у Мінску.

Адзначаны 1-й прэміяй на Усесаюзным конкурсе за найлепшы праект станцыі Днепрапятроўскага метрапалітэна (1982), 1-й прэміяй на конкурсе за найлепшае архітэктурнае рашэнне станцыі метро другой лініі Мінскага метрапалітэна (1983), прэміяй СМ СССР і залатым медалём за праектаванне і будаўніцтва першага ўчастка Мінскага метрапалітэна (1987), Ганаровай граматай Вярхоўнага Савета БССР (1987).

Леонович Евстафий Евстафиевич // Памяць: Гіст.-дакум. хроніка Смаргонскага р-на. — Мн.: БелЭн, 2004. — 640 с. — ISBN 985-11-0296-2.