120-я партызанская брыгада

120-я партызанская брыгада
Гады існавання	1942—1944
Краіна	Беларуская ССР
Падпарадкаванне	Беларускі штаб партызанскага руху
Уваходзіць у	Бярэзінская ваенна-аператыўная група
Тып	партызаны
Функцыя	барацьба з нямецкімі акупацыйнымі ўладамі
Колькасць	632 партызаны (2.7.1944)
Дыслакацыя	Бярэзінскі, Бялыніцкі, Клічаўскі раёны
Войны	Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	Г. М. Архіпец; К. А. Баранаў; І. А. Баранаў

120-я партызанская брыгада — дзейнічала на акупіраванай тэрыторыі Бярэзінскага, Бялыніцкага і Клічаўскага раёнаў. у ліпені 1942 года на базе ініцыятыўнай групы, вылучанай 345-ым партызанскім атрадам быў створаны 120-ы партызанскі атрад, які быў спецатрадам пры Бярэзінскім падпольным РК КП(б)Б, уваходзіў у 3-ю Бярэзінскую брыгаду, а з ліпеня 1943 года стаў асобным атрадам Бярэзінскай ВАГ. 2 ліпеня 1944 года атрад (632 партызаны) злучыўся з Чырвонай Арміяй. Пасля злучэння БШПР вызначыў атрад са жніўня 1943 года як брыгаду ў складзе 4 атрадаў.

Камандаванне

Камандзіры

• Г. М. Архіпец;
• К. А. Баранаў;
• І. А. Баранаў.

Камісары

• І. П. Сакалоўскі;
• М. М. Барысёнак;
• А. Б. Маркоўскі.

Начальнікі штаба

• К. А. Баранаў;
• В. Я. Буры;
• М. Дз. Каралеўскі.

Гісторыя

Партызаны рабілі дыверсіі на чыгуначным участку Жодзіна — Чырвоны Сцяг, шашы Мінск — Магілёў. У аперацыі «рэйкавая вайна» на ўчастку Дашкаўка — Быхаў падарвалі больш за 500 рэек. У лютым і маі 1943 года вялі абарончыя баі. У красавіку 1943 года разграмілі нямецкі апорны пункт у вёсцы Журавок, у лістападзе таго ж года — у вёсцы Капланцы. У снежні 1943 года правялі засадны бой каля вёскі Кукарава Бярэзінскага раёна. З часцямі Чырвонай Арміі, якія наступалі, наносілі ўдары па нямецкіх войсках, у тым ліку каля вёскі Галынка (2.7.1944).

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.