Бурачок

Бурачок
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Капустакветныя Сямейства:  Капуставыя Трыба:  Alysseae Род:  Бурачок
Міжнародная навуковая назва
Alyssum L., 1753
Выявы на Вікісховішчы ITIS   23029 NCBI   169067 EOL   39058 GRIN   g:476 IPNI   107506-3

Бурачок, Алісум, Каменнік (Alyssum) — род кветкавых раслін сямейства Капуставыя (Brassicaceae). Налічвае каля 150 (207) відаў, пашыраных у Міжземнамор’і, Еўропе, Сярэдняй Азіі.

Батанічнае апісанне

Аднагадовыя, двухгадовыя і шматгадовыя травяністыя расліны або паўкусты, шэрага або шэра-зялёнага колеру. Сцёблы ўзыходныя або распасцёртыя, апушаныя валаскамі. Лісце чаргаванае, суцэльнае. Кветкі дробныя, жоўтага, жоўта-белага, фіялетавага колеру, сабраныя ў канцавыя гронкі. Плод — эліпсоідны або круглаваты стручок.

Меданосныя і дэкаратыўныя расліны.

Некаторыя віды

Бурачок горны (Alyssum montanum). Батанічная ілюстрацыя Якаба Штурма з кнігі «Deutschlands Flora in Abbildungen», 1796

• Alyssum desertorum Stapf — Бурачок пустэльны, ці Бурачок стэпавы
• Alyssum alyssoides (L.) L. — Бурачок чашачны
• Alyssum argenteum All. — Бурачок серабрысты
• Alyssum gmelinii — Бурачок Гмеліна
• Alyssum rostratum Stev.
• Alyssum saxatile — Бурачок скальны

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3). — С. 346.
• Лярскі А. М., Луніна Н. М. Бурачок // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 360—361.

Спасылкі

• Бурачок: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Alyssum // The Plant List (англ.)