Бусельнік

Бусельнік
Бусельнік цыкутавы (Erodium cicutarium) — кветкі і плады
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Геранекветныя Сямейства:  Гераніевыя Род:  Бусельнік
Міжнародная навуковая назва
Erodium L'Hér. ex Ait.
Сістэматыка на Віківідах Выявы на Вікісховішчы ITIS   29144 NCBI   21555 EOL   37665 GRIN   g:4430 IPNI   30013005-2

Erodium lebelii

Erodium glandulosum

Бу́сельнік, грабелькі, журавельнік (Erodium) — род кветкавых раслін сямейства гераніевых.

Апісанне

Адна-, двух- ці шматгадовыя травяністыя расліны з апушаным распасцёртым або ўзнятым сцяблом. Лісце супраціўнае, перыстае ці лопасцевае, ніжняе звычайна сабранае ў разетку. Кветкі пераважна пурпуровыя, ружовыя ці ліловыя з цёмнымі жылкамі, у шматкветкавых паўпарасоніках, радзей адзіночныя. Плод — зборны арэшак (стэрыгма).

Выдзяляецца каля 90 відаў. Пашыраны пераважна ва ўмераных абласцях Паўночнага паўшар’я і ў Міжземнамор’і. На тэрыторыі Беларусі трапляецца бусельнік цыкутавы (Erodium cicutarium), як пустазелле, а таксама на пустках і сметніках.

Гаспадарчае значэнне

Лекавыя (вяжучы, кроваспыняльны, процісутаргавы сродак) і дэкаратыўныя расліны, маюць дубільныя рэчывы, вітамін С, карацін, арганічныя кіслоты, смолы.

Літаратура

• Бусельнік // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
• Аистник // Биологический энциклопедический словарь / Гл. ред М. С. Гиляров. Ред. колл. А. А. Баев, Г. Г. Винберг, Г. А. Заварзин и др.. — 2-е изд. исправл. — М.: Советская энциклопедия, 1989. — С. 13. — 864 с. — 150 000 экз. — ISBN 5-85270-002-9. (руск.)