Hamearis lucina

З пляцоўкі Вікіпедыя
Jump to navigation Jump to search
Hamearis lucina
Lycaenidae - Riodininae - Hamearis lucina-1.JPG
Навуковая класіфікацыя
Міжнародная навуковая назва

Hamearis lucina

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
NCBI  328891
EOL  254638

Hamearis lucina — дзённы матылёк сямейства Riodinidae.

Апісанне[правіць | правіць зыходнік]

Размах крылаў асобін, якія жывуць на тэрыторыі Расіі — 14-17 мм. На поўдні арэала размах крылаў самцоў 29-31 мм, самак 31-34 мм.

Верх крылаў цёмна-карычневы з аранжава-чырвона-карычневымі плямамі. Плямы больш выяўленыя на пярэдніх крылах. Ніжні бок крылаў карычневага колеру, з чырвонымі плямамі, а на задніх крылах яшчэ і з белымі.

Арэал[правіць | правіць зыходнік]

Еўропа, акрамя Паўднёвай Іспаніі, мацерыковай Італіі, Корсікі, Грэцыі, Сардзініі. На поўначы Еўропы адсутнічае на большай частцы Вялікабрытаніі, у Ірландыі, Даніі, большай частцы тэрыторыі Скандынавіі і Фінляндыі.

Малая Азія, на поўдні еўрапейскай часткі Расіі, Украіна.

Месцапражыванні[правіць | правіць зыходнік]

Зона змяшаных лясоў і лесастэп. Узлескі лісцяных лясоў, лясныя лугі, абочыны дарог, хмызняковыя зараснікі ў вільготных месцах, ахоўныя лясныя палосы, аддае перавагу пагорыстай мясцовасці, вапнавым глебам.

Час лёту[правіць | правіць зыходнік]

Май — канец чэрвеня. У паўднёвай частцы арэала бывае другое пакаленне, яно развіваецца ў жніўні—верасні.

Размнажэнне[правіць | правіць зыходнік]

Самка адкладвае па 1—2 яйку на ніжнюю паверхню лісця кармавой расліны. Вусені з'яўляюцца праз 2 тыдні. Стадыя вусеня — чэрвень—жнівень. Кармавыя расліны — род Primula, па-за тэрыторыяй Расіі — першацвет высокі (Primula elatior). Маюцца дадзеныя пра харчаванне вусеняў на шчаўі. Зімуюць вусені малодшага ўзросту ў сухіх апалых лістах на паверхні грунту.

Колькасць[правіць | правіць зыходнік]

Колькасць нізкая, з тэндэнцыяй да зніжэння, хоць месцамі можа быць адносна высокай. Пры спрыяльных умовах колькасць часам складае 10-20 асобін на 1 га. Сустракаецца лакальна. Назіраецца значнае скарачэнне арэала і агульнай колькасці віду.

Заўвагі па ахове[правіць | правіць зыходнік]

Від занесены ў Чырвоную кнігу Расіі (2 катэгорыя — від, які скарачаецца ў колькасці) і ў Чырвоную кнігу Украіны.

Зноскі