Windows 7

З Вікіпедыі, свабоднай энцыклапедыі
Windows 7

Распрацоўшчык Майкрасофт
Сямейства АС Windows NT
Заснавана на Windows Vista
Зыходны код Закрыты зыходны код
Першы выпуск 21 ліпеня 2009
Падтрымлівае мовы некалькі моў[d]
Падтрымлівае платформы IA-32[d], x86_64[d] і x86
Тып ядра Гібрыднае ядро
Інтэрфейс Windows API[d], .NET Framework, Windows Forms[d], Windows Presentation Foundation[d], DirectX і Media Foundation[d]
Ліцэнзія Microsoft Software Assurance[d], volume licensing[d] і Карыстальніцкае пагадненне
Стан
  • Агульная падтрымка спынена 13 студзеня 2015 года.
  • Пашыраная падтрымка Windows 7 SP1 дзейнічала да 14 студзеня 2020 года.
Лагатып Вікісховішча Медыяфайлы на Вікісховішчы

Windows 7 — аперацыйная сістэма сямейства Microsoft Windows NT, лінейкі аперацыйных сістэм, якія выкарыстоўваюцца на карыстальніцкіх персанальных камп’ютарах. У стадыі распрацоўкі гэта аперацыйная сістэма мела кодавую назву «Vienna».

Нумар версіі[правіць | правіць зыходнік]

У лінейцы Windows NT сістэма мае нумар версіі 6.1 (Windows 2000 — 5.0, Windows XP — 5.1, Windows Server 2003 — 5.2, Windows Vista і Windows Server 2008 — 6.0). Сервернай аперацыйнай сістэмай таго ж сямейства выступае Windows Server 2008 R2, інтэграванай аперацыйнай сістэмай гэтага сямейства (палегчанай версіяй, убудавальнай ў прылады) — Windows Embedded Standard 2011 (Québec), мабільнай — Windows Embedded Compact 2011 (Chelan, Windows CE 7.0).

Асноўныя асаблівасці[правіць | правіць зыходнік]

У гэтай аперацыйнай сістэме рэалізаваная падтрымка Unicode 5.1[1]. Панэль пошуку Instant Search зараз распазнае больш моў[1].

Дадзеная АС валодае падтрымкай multitouch-кіравання. Усе версіі АС ўключаюць 50 новых шрыфтоў. Існуючыя шрыфты дапрацаваныя для карэктнага адлюстравання ўсіх знакаў. Windows 7 — першая версія Windows, якая ўключае больш шрыфтоў для адлюстравання нелацінскіх знакаў, чым для адлюстравання лацінскіх. Панэль кіравання шрыфтамі таксама была палепшана — прадвызначана ў ёй будуць адлюстроўвацца толькі тыя шрыфты, раскладка для якіх усталявана ў сістэме.

Windows 7 падтрымлівае псеўданімы для папак на ўнутраным узроўні. Напрыклад, папка Program Files у некаторых лакалізаваных версіях Windows была перакладзена і адлюстроўвалася з перакладзеным імем, аднак на ўзроўні файлавай сістэмы заставалася англамоўнай. Таксама ў сістэму (акрамя версіі Windows 7 Starter і Windows 7 Home Basic) убудавана каля 120 фонавых відарысаў, унікальных для кожнай краіны і моўнай версіі. Дадатковай перавагай Windows 7 можна лічыць больш цесную інтэграцыю з вытворцамі драйвераў. Большасць драйвераў вызначаецца аўтаматычна, пры гэтым у 90 % выпадкаў захоўваецца зваротная сумяшчальнасць з драйверамі для Windows Vista.

У Windows 7 была таксама палепшана сумяшчальнасць са старымі праграмамі, некаторыя з якіх было немагчыма запусціць на Windows Vista. Асабліва гэта тычыцца старых гульняў, распрацаваных пад Windows XP. Таксама ў Windows 7 з’явіўся рэжым Windows XP Mode, які дазваляе запускаць старыя праграмы на віртуальнай машыне Windows XP, што забяспечвае практычна поўную падтрымку старых праграм. Новая, 11-я версія DirectX, упершыню выпушчаная іменна ў складзе гэтай АС, мае наступныя паляпшэнні: дабаўлена падтрымка новых вылічальных шэйдэраў, магчымасць многапаточнага рэндэрынгу, палепшаная тэселяцыя, з’явіліся новыя алгарытмы сціскання тэкстур і інш.

Прайгравальнік Windows Media Player 12 атрымаў новы інтэрфейс і стаў сапраўды «ўсёедным», у адрозненне ад папярэдніка, якому патрабавалася вялікая колькасць кодэкаў для прайгравання. Аднак ён не можа прайграваць ліцэнзійныя Blu-Ray дыскі з відэа, але мае магчымасць счытваць і запісваць на іх даныя[2][3].

Функцыя аддаленага рабочага стала таксама зведала змены. Была ўведзена падтрымка інтэрфейсу Aero Peek, Direct 2D і Direct3D 10.1, падтрымка некалькіх манітораў, пашырэнняў мультымедыя, DirectShow, а таксама магчымасць прайгравання гуку з нізкімі затрымкамі.

Сеткавая тэхналогія Branch Cache дазваляе кэшаваць змесціва інтэрнэт-трафіку. Калі карыстальніку ў лакальнай сетцы спатрэбіцца файл, які ўжо быў загружаны кім-небудзь з карыстальнікаў яго сеткі, — ён зможа атрымаць яго з лакальнага кэш-сховішчы, а не выкарыстоўваць канал з абмежаванай прапускной здольнасцю. Тэхналогія разлічана на вялікія сеткі і прапануецца для ўкаранення на прадпрыемствах у складзе карпаратыўнай і максімальнай версій АС[4].

Windows AIK, з дапамогай якога можна ствараць вобраз з любымі канфігурацыямі і наладамі. Такім чынам можна ў Windows 7 дадаць падтрымку USB 3.0, Bluetooth 4.0, DirectX 11.1 і NET.Framework 4.5 па змаўчанні.

Панэль задач

Змены закранулі і панэль задач. Цяпер яна павялічана на 10 пікселяў і мае абноўлены знешні выгляд. Таксама на панэлі ўтрымліваюцца толькі значкі без подпісаў, аналагічна Dock ў Mac OS X. Панэль задач можна зрабіць ранейшай, як у Windows Vista ва «Уласцівасцях». У абноўленай панэлі таксама пад «Гадзінамі» стаіць бягучая дата. У правым куце знаходзіцца кнопка «Згарнуць усе вокны». Цікава, але пры навядзенні курсора на значок адкрытай праграмы падсвятленне мяняе колер, калі, напрыклад, значок чырвоны, значыць падсвятленне чырвоная. Таксама панэль задач можна размясціць не толькі ўнізе, але і перамясціць налева, направа і нават ўверх. Таксама, калі ва ўласцівасцях панэлі задач паставіць галачкі на пунктах «Замацаваць панэль задач» і «Выкарыстоўваць маленькія значкі», а ў меню «Кнопкі панэлі задач» выбраць пункт «Групаваць пры запаўненні панэлі задач», то панэль задач набудзе выгляд як у Windows Vista.

Windows 7 таксама атрымала OEM-падтрымку UEFI  (руск.), а таксама падтрымку UEFI у Retail-вобразах Windows 7 SP1. Пры жаданні можна запісаць UEFI-усталёўшчык Windows 7 на USB-накапляльнік. Таксама можна зноў жа самому з дапамогай Windows AIK дадаць падтрымку UEFI цалкам.

Зноскі

Спасылкі[правіць | правіць зыходнік]