Іван Андрэевіч Хлябцэвіч

Іван Андрэевіч Хлябцэвіч
Дата нараджэння	1857
Месца нараджэння	Сядзельнікі, Ваўкавыскі павет, Гродзенская губерня, Літоўскае генерал-губернатарства, Расійская імперыя
Дата смерці	25 ліпеня 1919(1919-07-25)
Дзеці	Яўген Іванавіч Хлябцэвіч
Род дзейнасці	гісторык
Месца працы	Жыровіцкае духоўнае вучылішча[d]
Альма-матар	Віленская духоўная семінарыя Санкт-Пецярбургская духоўная акадэмія

Іван Андрэевіч Хлябцэ́віч (1857, в. Сядзельнікі, цяпер Ваўкавыскі раён, Гродзенская вобласць — 25 ліпеня 1919) — беларускі гісторык. Бацька Я. І. Хлябцэвіча.

Біяграфія

Скончыў праваслаўную Літоўскую духоўную семінарыю ў Вільні, вучыўся ў Пецярбургскай духоўнай акадэміі. Выкладаў у Жыровіцкім духоўным вучылішчы, адначасова загадваў бібліятэкай Жыровіцкага Свята-Успенскага мужчынскага манастыра, дзе ўпарадкаваў старажытныя рукапісы. З 1897 года святар у в. Кленікі Бельскага павета. У Першую сусветную вайну з 1915 года ў бежанстве у г. Сызрань (Расія).

Аўтар публікацый па гісторыі Жыровіцкага манастыра, нарыса пра сына Уладзіміра.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).