Алег Віктаравіч Навіцкі

Алег Віктаравіч Навіцкі
руск.: Олег Викторович Новицкий
Краіна:	Расія
Спецыяльнасць:	лётчык-інжынер
Воінскае званне:	палкоўнік і палкоўнік
Экспедыцыі:	Саюз ТМА-06М
Дата нараджэння:	12 кастрычніка 1971(1971-10-12) (53 гады)
Месца нараджэння:	Чэрвень, Мінская вобласць, Беларуская ССР, СССР
Узнагароды:	Герой Расійскай Федэрацыі Медаль За адзнаку ў вайсковай службе (Мінабароны Расіі) 1 ступені Медаль За адзнаку ў вайсковай службе (Мінабароны Расіі) 2 ступені Медаль За адзнаку ў вайсковай службе (Мінабароны Расіі) 3 ступені Медаль «За воінскую доблесць» (Мінабароны) II ступені Лётчык-касманаўт Расійскай Федэрацыі
Медыяфайлы на Вікісховішчы

Паштовая марка Беларусі «Заваёўнікі космасу, ураджэнцы Беларусі»

Алег Віктаравіч Навіцкі (12 кастрычніка 1971, Чэрвень, Мінская вобласць, Беларуская ССР) — расійскі касманаўт, член атрада касманаўтаў ЦПК. Камандзір касмічнага карабля «Саюз ТМА-06М», старт якога прызначаны на 15 кастрычніка 2012 года.

Біяграфія

Нарадзіўся 12 кастрычніка 1971 года ў горадзе Чэрвені Мінскай вобласці Беларускай ССР. Пасля заканчэння сярэдняй школы паступіў у 1989 годзе ў Качынскае ВВАУЛ імя А. Ф. Мяснікова. У 1994 годзе выпушчаны з вучылішча з кваліфікацыяй «лётчык-інжынер».

Служба ў ВПС

На працягу 10 гадоў праходзіў службу ў Паўночна-Каўказскай ваеннай акрузе на пасадах лётчыка, старшага лётчыка, намесніка камандзіра авіяцыйнай эскадрыллі штурмавога авіяпалка 4-й паветранай арміі і 4-й арміі ВПС І ППА. Асвоіў самалёты Л-39 і Су-25, агульны налёт склаў больш 600 гадзін. Ваенны лётчык 2-га класа.

Прымаў удзел у навядзенні канстытуцыйнага парадку ў Чачэнскай Рэспубліцы, мае званне «Ветэран баявых дзеянняў».

У 2004—2006 гадах вучыўся ў Ваенна-паветранай акадэміі імя Ю. А. Гагарына (камандны факультэт).

У 2010 годзе прысвоена званне палкоўніка, улетку 2012 года звольнены з ваеннай службы ў запас.

Касмічная падрыхтоўка

У кастрычніку 2006 года, пасля праходжання медыцынскага абследавання ў Інстытуце медыка-біялагічных праблем РАН, а затым разгляду на Міжведамаснай камісіі, 35-гадовы Алег Навіцкі быў залічаны на пасаду кандыдата ў касманаўты атрада Цэнтра падрыхтоўкі касманаўтаў (ЦПК).

У 2007—2009 гадах праходзіў агульнакасмічную падрыхтоўку, прайшоў іспыты на «выдатна». 9 чэрвеня 2009 года яму была прысвоена кваліфікацыя касманаўта-выпрабавальніка. У жніўні таго ж года залічаны на аднайменную пасаду ў атрад ЦПК.

Касмічныя палёты

У маі 2012 года быў камандзірам дублюючага экіпажа касмічнага карабля «Саюз ТМА-04М». Акрамя Алега Навіцкага ў экіпаж уваходзілі Яўген Тарэлкін і Кевін Форд. У верасні гэты ж склад быў зацверджаны ў якасці асноўнага экіпажа карабля «Саюз ТМА-06М», які 23 кастрычніка 2012 года стартуе на Міжнародную касмічную станцыю ў якасці ўдзельнікаў асноўнай экспедыцыі МКС-33.

У сакавіку 2024 года разам з першай беларускай жанчынай-касманаўтам Марынай Васілеўскай прыняў удзел у 21-й экспедыцыі наведвання МКС у якасці камандзіра «Саюз МС-25».

Сям’я

• Жонка — Юлія Уладзіславаўна Навіцкая. Журналіст. Супрацоўнік часопіса «Салдаты Расіі».
• Дачка — Яна Алегаўна Навіцкая.

Спасылкі

Алег Віктаравіч Навіцкі на сайце «Героі краіны»

• Касмічная энцыклапедыя
• Дзённік жонкі касманаўта Юліі Навіцкай Архівавана 21 красавіка 2013. на сайце Тэлестудыі Роскосмаса. 2012 год.
• Прэзентацыя кнігі Юліі Навіцкай «Дзённік жонкi касманаўта» 5 лютага 2014.
• Сустрэча з касманаўтам Алегам Навіцкiкiм ў Беларускім дзяржаўным педагагічным універсітэце імя Максіма Танка 13 сакавіка 2014 года.
• Сустрэча з касманаўтам Алегам Навіцкiм ў мінскім Планетарыі.
• 6-ы Касмічны Кангрэс у Мінску. Кастрычнік 2014.
• Касманаўт Алег Навіцкі ў Нацыянальным мастацкiм музеі. Мінск 21 чэрвеня 2013 года.
• Сустрэча касманаўта Алега Навіцкага і касманаўта Аляксандр Калеры у дзень ВПС Беларусі.
• Касманаўт Алег Навіцкі 18 сакавіка 2015 сустрэўся з юнымi чыгуначнікамі.