Альба (Нясвіжскі раён)

Альба
Краіна	Беларусь
Вобласць	Мінская
Раён	Нясвіжскі
Сельсавет	Нясвіжскі
Каардынаты	53°12′13″ пн. ш. 26°38′33″ у. д.HGЯO
Насельніцтва	▼266 чал. (2019);
Часавы пояс	UTC+3
Тэлефонны код	+375 1770
Паштовыя індэксы	222603
Аўтамабільны код	5
СААТА	6242835006
	Альба на Вікісховішчы

А́льба^[1] (трансліт.: Aĺba, руск.: Альба) — пасёлак у Нясвіжскім раёне Мінскай вобласці. Уваходзіць у склад Нясвіжскага сельсавета.

Геаграфія

Знаходзіцца за 1 км на паўднёвы захад ад Нясвіжа, на рацэ Уша (прыток Нёмана). На месцы пасёлка раней існавалі маёнтак і вёска Альба (апошняя ўключана ў межы Нясвіжа ў 1978 годзе).

Гісторыя

Паводле пісьмовых крыніц вядома, што ў 1587 годзе Мікалай Крыштаф Радзівіл Сіротка атрымаў 4 валокі зямлі «ў тым месцы, дзе цяпер Альба стаіць». У канцы XVI ст. на паўднёвай ускраіне Нясвіжа, на правым беразе Ушы паводле яго загаду быў закладзены паркавы комплекс Альба па тыпу італьянскіх загарадных віл і паркаў. Гэта была рэзідэнцыя ўладальнікаў горада для летняга адпачынку і палявання.

З 1901 года на месцы сучаснага пасёлка працаваў спіртзавод «Альба», меўся вадзяны млын.

З 1954 года пасёлак спіртзавода ў складзе Нясвіжскага сельсавета. У 1961 годзе на базе спіртзавода створаны завод кармавога біяміцыну. У 1975 годзе пабудаваны новы корпус прадпрыемства. Да 22 снежня 1998 года пасёлак меў назву Біязавод^[2]. Цягам часу завод асвоіў выпуск новых відаў прадукцыі, у 1991-92 гг. атрымаў назву «Завод медыцынскіх прэпаратаў». З 2011 года ААТ «Нясвіжскі завод медыцынскіх прэпаратаў».

Насельніцтва

1998 год — 341 чал., 152 гаспадаркі.
2011 год — 367 чал., 151 гаспадарка.
2012 год — 322 чал., 148 гаспадарак.
2019 год — 266 чал.

Вядомыя асобы

Ганна Уладзіміраўна Арашонкава (нар. 1928) — беларуская мовазнаўца.

Зноскі

↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU). Сустракаецца таксама варыянт Га́льба
↑ Пералік змененых назваў геаграфічных аб’ектаў Беларусі за 1997—2008 гг. Архівавана 4 сакавіка 2016.

Літаратура

Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — 528 с.: іл. — 2 000 экз. — ISBN 978-985-11-0735-9.

Спасылкі

На Вікісховішчы ёсць медыяфайлы па тэме Альба (Нясвіжскі раён)

[1] Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU). Сустракаецца таксама варыянт Га́льба

[2] Пералік змененых назваў геаграфічных аб’ектаў Беларусі за 1997—2008 гг. Архівавана 4 сакавіка 2016.

[1]

[2]

Нясвіжскі сельсавет
Цэнтр	Заазер'е
Пасёлкі	Альба · Дзяржгатункаўчастак
Аграгарадкі	Карцэвічы
Вёскі	Альбянка · Альхоўка · Вайнілавічы · Ганусаўшчына · Караліна · Малева · Мікулічы · Пагулянка · Прасмыкаўшчына · Рудаўка · Саска Ліпка · Слаўкава · Сычэва · Фальваркоўцы · Фэрбаўшчына