Алісія Вікандэр

Алісія Вікандэр
шведск.: Alicia Vikander
Дата нараджэння	3 кастрычніка 1988(1988-10-03)[…] (36 гадоў)
Месца нараджэння	Johannebergs församling[d], камуна Гётэбарг, лен Гётэбарг і Бохус[d], Швецыя
Грамадзянства	Швецыя
Бацька	Svante Vikander[d]
Маці	Maria Fahl Vikander[d]
Муж	Майкл Фасбендэр
Дзеці	Марк Фасбендэр[d]
Адукацыя	Каралеўскі балет Швецыі (2007)
Прафесія	актрыса, кінаактрыса, танцоўшчыца, кінапрадзюсар, актрыса агучвання
Узнагароды	Guldbagge Award for Best Actress in a Leading Role[d] (2011) Прэмія Гільдыі кінаакцёраў ЗША
IMDb	ID 2539953
Медыяфайлы на Вікісховішчы

Алісія Аманда Вікандэр (шведск.: Alicia Amanda Vikander, нар. 3 кастрычніка 1988, Гётэбарг) — шведская актрыса і прадзюсар. Уладальніца прэміі «Оскар» за лепшую жаночую ролю другога плана і прэміі Гільдыі кінаакцёраў ЗША за ролю мастачкі Герды Вегенер у біяграфічнай драме «Дзяўчына з Даніі».

Юнацтва

Нарадзілася ў Гётэбаргу ў сям’і тэатральнай актрысы і ўрача-псіхіятра. Па словах Алісіі, яе дзяцінства было цудоўным: для сваёй маці яна была адзінай, але пры гэтым была акружаная вялікай сям’ёй з боку бацькі, бо кожны другі тыдзень яна наведвала яго.

Акцёрская кар’ера Алісіі пачалася, калі ёй было 7 гадоў. Дзяўчынка выступіла на сцэне Гётэбаргскай оперы. У 1997 годзе яна перамагла ў дзіцячым тэлевізійным спеўным шоў. З 9 гадоў Алісія займалася балетам, а, пераехаўшы з Гётэбарга ў Стакгольм, паступіла ў Каралеўскую балетную школу, якую скончыла ў 2007 годзе. Таксама будучая актрыса вучылася і ў Амерыканскай акадэміі балета ў Нью-Ёрку.

Кар’ера

Алісія пачынала са здымак у кароткаметражных фільмах і на тэлебачанні. Зняўшыся ў фільме «Да чагоcьці прыгожага», Вікандэр атрымала прэмію «Залаты жук» за лепшую жаночую ролю. У 2013 годзе Алісія была намінаваная на прэмію BAFTA як «Узыходзячая зорка». За ролю робата, які валодае штучным інтэлектам, у фільме «З машыны», актрыса была намінаваная на «Залаты глобус» і прэмію BAFTA.

У 2015 годзе актрыса сыграла мастачку Герду Вегенер у фільме «Дзяўчына з Даніі» рэжысёра Тома Хупера.

Гэтая роля прынесла ёй міжнароднае прызнанне і дзве прэміі, сярод якіх «Прэмія Гільдыі кінаакцёраў ЗША» і «Оскар» за лепшую жаночую ролю другога плана ў 2016 годзе. Алісія стала другой шведскай актрысай, ганараванай гэтай узнагароды.

Актрыса асуджае гендэрную няроўнасць. У 2017 годзе яна стала адной з 584 жанчын, хто звярнуўся да шведскай кіна- і тэатральнай індустрыі з просьбай звярнуць увагу на культуру сексуальных праступкаў.